அறுவை சிகிச்சை முடிந்து வீடு திரும்பினார் திமுக தலைவர் ஸ்டாலின்

திமுக தலைவர் அப்போலோ மருத்துவமனையில் அனுமதிக்கப்பட்டுள்ளார்.

சென்னை: திமுக தலைவர் முக ஸ்டாலினுக்கு வலது காலில் சிறிய அறுவை சிகிச்சை செய்யப்பட்டது. இதையடுத்து அவர் இன்றே வீடு திரும்பினார்.

திமுக தலைவராக ஸ்டாலின் சமீபத்தில் தேர்வு செய்யப்பட்டார். அதிலிருந்து தொடர்ந்து, தீவிர கட்சி பணிகளில் ஈடுபட்டு வருகிறார்.

அப்போலோ மருத்துவமனை

இந்நிலையில், அவருக்கு நேற்றிரவு திடீர் உடல் நிலை குறைவு ஏற்பட்டது. இதையடுத்து ஆயிரம் விளக்கு பகுதியில் உள்ள அப்போலோ மருத்துவமனையில் உடனடியாக அனுமதிக்கப்பட்டார்.

தீவிர சிகிச்சை

சிறுநீரக தொற்று காரணமாகவே ஸ்டாலின் அனுமதிக்கப்பட்டு உள்ளதாக மருத்துவமனை தரப்பில் தெரிவிக்கப்பட்டது. இதனையடுத்து அவருக்கு மருத்துவர்கள் நேற்றிரவு முதல் சிகிச்சை அளித்து வருகிறார்கள்.

சிறிய அறுவை சிகிச்சை

இந்நிலையில் ஸ்டாலினின் உடல்நிலை குறித்து அப்போலோ மருத்துவமனை நிர்வாகம் இன்று மதியம் அறிக்கை ஒன்றினை வெளியிட்டது. அந்த அறிக்கையில், "திமுக தலைவர் ஸ்டாலினுக்கு வலதுகாலில் இருந்த சிறிய கட்டியை அகற்ற வேண்டி இருந்தது. அதன்படி அவருக்கு சிறிய அறுவை சிகிச்சை செய்து வலது காலில் இருந்த கட்டி அகற்றப்பட்டது. சிகிச்சைக்கு பின்னர் ஸ்டாலின் இன்று பிற்பகல் வீடு திரும்புவார்" என தெரிவிக்கப்பட்டது.

வீடு திரும்பினார்

அதன்படி, மு.க.ஸ்டாலின் மருத்துவ சிகிச்சை முடிந்து வீடு திரும்பினாா். முன்னதாக மருத்துவமனையில் அனுமதிக்கப்பட்டிருந்த ஸ்டாலினை ம.தி.மு.க. பொதுச்செயலாளா் வைகோ நேரில் சந்தித்து உடல்நலம் குறித்து விசாரித்து விட்டு சென்றார். தற்போது ஸ்டாலினுக்கு அறுவை சிகிச்சை செய்யப்பட்டுள்ளதால், அடுத்த 2 அல்லது 3 தினங்களுக்கு பெரிய அளவிலான விழாக்களில் கலந்து கொள்ள மாட்டாா் என அக்கட்சி தரப்பில் தெரிவிக்கப்பட்டுள்ளது.

English summary

MK Stalin admitted in Chennai Apollo hospital