விநாயகர் சதுர்த்தி வாழ்த்து தெரிவித்தது ஸ்டாலின் இல்லை: திமுக விளக்கம்

சென்னை: விநாயகர் சதுர்த்தி வாழ்த்து தெரிவித்தது திமுக பொருளாளர் மு.க. ஸ்டாலின் இல்லை என்று திமுக தலைமை கழகம் தெரிவித்துள்ளது.

இது குறித்து திமுக தலைமை கழகம் வெளியிட்டுள்ள செய்திக்குறிப்பில் கூறியிருப்பதாவது,

திராவிட முன்னேற்றக் கழகத்தின் பொருளாளர் மு.க.ஸ்டாலினின் பிரத்யேக இணையதளத்தில், அவர் விநாயகர் சதுர்த்தி நாளன்று வாழ்த்துக்களை தெரிவித்ததாக வந்துள்ளது.

மு.க. ஸ்டாலினின் இணையதளத்தை பராமரிக்கின்ற சில தோழர்கள் ஆர்வ மிகுதியின் காரணமாக, எல்லோரும் தெரிவித்திருப்பதைப் போல மு.க.ஸ்டாலினும் தனது வாழ்த்துக்களைத் தெரிவித்துக் கொள்வதாக வெளியிட்டுள்ளனர்.

இது மு.க.ஸ்டாலினின் முன் அனுமதியின்றி நடைபெற்ற செயலாகும். இந்த வாழ்த்துச் செய்தி அவரது விருப்பப்படியானது இல்லை என்பதை தெரிவித்துக் கொள்கிறோம் என்று அதில் தெரிவிக்கப்பட்டுள்ளது.

English summary

DMK high command has explained that the party treasurer MK Stalin didn't know about the Ganesh Chaturthi wishes in his website.