புழல் கற்றுத்தந்த பாடம்.. பாளையங்கோட்டையில் களமிறங்கிய அதிகாரிகள்

நெல்லை: புழல் சிறையில் கைதிகள் சொகுசு வாழ்க்கை வாழ்ந்த விவகாரம் வெளியே வந்த நிலையில், பாளையங்கோட்டை மத்திய சிறைச்சாலையில் அதிகாரிகள் இன்று காலை முதல் அதிரடி ரெய்டுகளை நடத்தி வருகிறார்கள்.

கடந்த சில நாட்கள் முன்பாக சென்னை புழல் சிறையில் கைதிகள் உல்லாச வாழ்க்கை வாழுவது போன்ற புகைப்படங்கள் வெளியாகி பரபரப்பை ஏற்படுத்தியிருந்தது.

இதையடுத்து அதிகாரிகள் அங்கு ரெய்டு நடத்தி, டிவி, எப்எம் ரேடியோக்களை பறிமுதல் செய்தனர். இந்த நிலையில், இன்று காலை முதல் 70க்கும் மேற்பட்ட அதிகாரிகள் பாளையங்கோட்டை மத்திய சிறைச்சாலையில் ஆய்வு நடத்தி வருகிறார்கள்.

ஒவ்வொரு சிறைச்சாலை பிரிவுக்கும் சென்று, அங்கே கைதிகளுக்கு சிறப்பு சலுகைகள் செய்யப்படுகிறதா என்பதை அவர்கள் பார்த்தனர்.

English summary

Prison officials raided Palayamkottai central jail after Puzhal atrocities come light.