ரஜினி, கமல், விஜய்... திமுகவுடன் கூட்டணி வைத்தால் வெற்றி - நியூஸ் 7 டிவி சர்வே

ரஜினி, கமல், விஜய் மூவருமே திமுகவுடன் கூட்டணி வைத்தால் வெற்றி வாய்ப்பு அதிகம் என நியூஸ் 7 டிவி - குமுதம் இதழ் நடத்திய சர்வேயில் மக்கள் கருத்து கூறியுள்ளனர்.

சென்னை: அரசியல் கட்சி தொடங்கும் நடிகர்கள் ரஜினி, கமல், விஜய் மூவருமே அரசியல் கட்சி தொடங்கினாலும் திமுக உடன் கூட்டணி வைத்தால் வெற்றி வாய்ப்பு அதிகம் என நியூஸ் 7 தொலைக்காட்சி - குமுதம் இதழ் இணைந்து நடத்திய மக்கள் மனசுல யாரு சர்வேயில் தெரிவித்துள்ளனர்.

ரஜினி, கமல், விஜய் மூவரில் திரையுலகிலிருந்து அரசியலுக்கு அடுத்து யார் வருவார்? வந்தால் மக்களின் ஆதரவு எப்படி இருக்கும்? என்பதை அறிந்துகொள்ளும் வகையில் நியூஸ் 7 தொலைக்காட்சி - குமுதம் இதழ் சார்பாக மாபெரும் கருத்துக்கணிப்பு நடத்தப்பட்டது.

புள்ளியியல் வல்லுநர் குழுவின் வழிகாட்டுதலின்படி வயது, பாலினம், மதம், கல்வித்தகுதி மற்றும் தொழில் அல்லது பணி அடிப்படையில் தமிழகம் மற்றும் புதுச்சேரி முழுவதும் இந்த கருத்துகணிப்பு நடத்தப்பட்டது. இந்த சர்வேயில் மக்கள் வித்தியாசமான கருத்துக்களை கூறியுள்ளனர்.

ஸ்டாலினுக்கு சவால்

ரஜினி, கமல், விஜய் மூவரும் அரசியலில் களமிறங்கி கட்சி தொடங்கினால் யாருக்கு சவாலாக இருப்பார்கள் என்று கேள்வி கேட்கப்பட்டது. அதற்கு மக்கள் அளித்த பதில்:

ஸ்டாலின் - 36.4%
எடப்பாடி பழனிச்சாமி - 26%
டிடிவி தினகரன் - 5.1%
விஜயகாந்த் - 7.3%
அன்புமணி - 4%
தமிழிசை - 4.6%
சீமான் - 8.6%
மற்றவர்கள் - 8%

மூன்று நடிகர்களும் அரசியலுக்கு வந்தால் திமுக செயல்தலைவர் ஸ்டாலினுக்கே அதிகம் சவாலாக இருப்பார்கள் என்று மக்கள் கருத்து கூறியுள்ளனர்.

ரஜினி யாருடன் கூட்டணி

ரஜினி அரசியல் கட்சி தொடங்கி யாருடன் கூட்டணி வைத்தால் வெற்றி பெற முடியும் என்ற கேள்விக்கு மக்கள் அளித்த பதில்:

திமுக - 41.5%
அதிமுக - 21.3%
பாஜக - 15.9%
காங்கிரஸ் - 5%
இதர கட்சிகள் - 16.3% வெற்றி வாய்ப்பு இருப்பதாக மக்கள் கருத்து கூறியுள்ளனர்.

கமலின் வெற்றி கூட்டணி

நடிகர் கமல் அரசியல் கட்சி தொடங்கி யாருடன் கூட்டணி வைத்தால் வெற்றி வாய்ப்பு அதிகம் என்ற கேள்விக்கு மக்கள் அளித்துள்ள பதில்:

திமுக - 47.7%
அதிமுக - 17.2 %
பாஜக - 8.5%
காங்கிரஸ் 6.3%
இதர கட்சிகள் 20.3%

நடிகர் கமல் திமுக உடன் கூட்டணி வைத்தால் வெற்றி வாய்ப்பு அதிகம் என்று பெரும்பான்மையான மக்கள் கருத்து கூறியுள்ளனர்.

விஜய் கூட்டணி யாருடன்?

நடிகர் விஜய் அரசியல் கட்சி தொடங்கி யாருடன் கூட்டணி அமைக்கலாம் என்ற கேள்விக்கு மக்கள் அளித்த பதில்:

திமுக - 39%
அதிமுக - 22.8%
பாஜக - 7.7%
காங்கிரஸ் - 6.3%
இதர கட்சிகள் - 24.2 %

நடிகர் விஜய் அரசியல் கட்சி தொடங்கி திமுக உடன் கூட்டணி வைத்தால் 39 சதவிகிதம் வெற்றி வாய்ப்பு அதிகம் என்று மக்கள் கருத்து கூறியுள்ளனர்.

English summary

News 7 Television survey has said that Rajni, Kamal and Vijay can get a big win if aligned with DMK in the coming Assembly poll.