காங்கிரஸ் எம்.எல்.ஏவுக்கு ரூ.1000 அபராதம்.. ஆக்ஷன் எடுத்த போக்குவரத்து போலீசார்!
கன்னியாகுமரி: விளவங்கோடு காங்கிரஸ் எம்எல்ஏ தாரகை கத்பர்ட்டுக்கு போக்குவரத்து போலீசார் ரூ.1000 அபராதம் விதித்துள்ளனர். பேரணியில் ஹெல்மெட் இன்றி பைக் ஓட்டியதால் காங்கிரஸ் எம்.எல்.ஏ தாரகை கத்பர்ட்டுக்கு அபராதம் விதிக்கப்பட்டுள்ளது.
தமிழ்நாடு முழுவதும் பல்வேறு இடங்களிலும் கடந்த 20 ஆம் தேதி ராஜீவ்காந்தி நினைவு தின ஊர்வலம் காங்கிரஸ் சார்பில் நடைபெற்றது. கன்னியாகுமரி மாவட்டம் பளுகல் சந்திப்பில் இருந்து குழித்துறை சந்திப்பிற்கு கடந்த 20 ஆம் தேதி மாலை ராஜீவ்காந்தி நினைவு தின ஊர்வலம் நடைபெற்றது.
இதில் கிள்ளியூர் தொகுதி எம்எல்ஏ ராஜேஷ்குமார், விளவங்கோடு தொகுதி எம்எல்ஏ தாரகை கத்பர்ட் உள்ளிட்ட காங்கிரஸ் கட்சியினர் கலந்துகொண்டனர். இந்தப் பேரணியில் பங்கேற்றவர்கள் மீது அனுமதியின்றி ஊர்வலம் சென்றதாக போலீசார் வழக்குப்பதிவு செய்திருந்தனர்.
இந்நிலையில் விளவங்கோடு தொகுதி எம்எல்ஏ தாரகை கத்பர்ட் மற்றும் சிலர் இருசக்கர வாகனத்தில் காங்கிரஸ் கொடியுடன் தலைக்கவசம் அணியாமல் ஊர்வலத்தில் சென்றுள்ளனர். இதைத்தொடர்ந்து தாரகை கத்பர்ட் உட்பட ஹெல்மட் அணியாதவர்கள் மீது போலீசார் தலா ரூ.1000 அபராதம் விதித்து நடவடிக்கை எடுத்துள்ளனர்.
ஹெல்மெட் அணியாமல் பைக்கில் சென்ற காங்கிரஸ் எம்எல்ஏவிற்கு அபராதம் விதிக்கப்பட்டிருப்பது சலசலப்பை ஏற்படுத்தியுள்ளது.
Click it and Unblock the Notifications
Sign in with Google