உங்களைப் பொறுத்த வரை சுதந்திரம் என்றால் என்ன மக்களே?: எங்களிடம் சொல்லுங்க

சென்னை: 69வது சுதந்திர தினத்தை கொண்டாட உள்ளோம். இதையொட்டி தேசிய கொடி விற்பனை சூடு பிடித்துள்ளது.

வரும் 15ம் தேதி நாம் 69வது சுதந்திர தினத்தை கொண்டாட உள்ளோம். இதையொட்டி தேசிய கொடி விற்பனை சூடு பிடித்துள்ளது. தீவிரவாத அச்சுறுத்தல் இருப்பதால் நாடு முழுவதும் பாதுகாப்பு பலப்படுத்தப்பட்டுள்ளது. பிரதமர் மோடிக்கு அதிகம் அச்சுறுத்தல் இருப்பதால் அவரை குண்டு துளைக்காத கண்ணாடி கூண்டில் நின்று சுதந்திர தின உரையாற்றுமாறு உள்துறை அமைச்சகம் வலியுறுத்தியுள்ளது.

ஆங்கிலேயர்கள் கையில் சிக்கித் தவித்த நம் நாட்டுக்காக பலர் போராடி தங்கள் உயிரை தியாகம் செய்து பெற்றுக் கொடுத்தது தான் சுதந்திரம். ஆங்கிலேயர்களிடம் இருந்து நம் நாடு விடுபட்டாலும் பல பிரச்சனைகளின் கையில் சிக்கித் தவித்து வருகிறது.

நம் நாடு சுதந்திர நாடு என்று பெருமையாக கூறினாலும் பலருக்கு மனதின் ஓரத்தில் ஏதோ உருத்தல் இருக்கத் தான் செய்கிறது. மது அரக்கனிடம் இருந்து மக்கள் விடிவு பெரும் நாள் தான் சுதந்திர தினம் என்று கூறும் அளவுக்கு மக்கள் மதுவுக்கு அடிமையாகியுள்ள அவல நிலை உள்ளது.

இன்றைய சூழலில் சுதந்திரம் பற்றி பலருக்கும் பல கருத்துகள் உள்ளன. உங்களைப் பொறுத்த வரை சுதந்திரம் என்றால் என்ன? உங்களின் கருத்துகளை எங்களிடம் பகிர்ந்து கொள்ளுங்கள். தேர்வு செய்யப்படும் கருத்துகள் எங்கள் செய்தியில் இடம் பெறும் என்பது குறிப்பிடத்தக்கது.

English summary

As we are getting ready to celebrate independence day, we woud like to know 'What freedom means to you?'. Share your views with us.