பென்டகன் தலைவராக... கறுப்பினத்தை சேர்ந்தவர் நியமனம்... ஜோ பிடன் அதிரடி முடிவு!
வாஷிங்டன்: அமெரிக்க பாதுகாப்பு தலைவராக கறுப்பினத்தை சேர்ந்த லாயிட் ஆஸ்ட்டினை நியமிக்க ஜோ பிடன் முடிவு செய்துள்ளதாக அங்குள்ள பத்திரிகைகள் செய்தி வெளியிட்டன.
இந்த பதவியில் லாயிட் ஆஸ்டின் அமர்ந்தால் பென்டகன் தலைவராக பொறுப்பு ஏற்கும் முதல் ஆப்பிரிக்க-அமெரிக்கர் என்ற பெருமையை அவர் பெறுவார். தனது தலைமையில் இடம்பெறும் மந்திரி சபையை ஜோ பிடன் அறிவித்து வருகிறார்.
அமெரிக்காவில் நடந்த அதிபர் தேர்தலில் ஜோ பிடன் அமோக வெற்றி பெற்றார். அவரை எதிர்த்து போட்டியிட்ட தற்போதைய அதிபர் டிரம்ப் தோல்வியை தழுவினார். வருகிற ஜனவரி 20-ம் தேதி ஜோ பிடன் அதிபராகவும், இந்திய வம்சாவளி தமிழகத்தை பூர்விகமாக கொண்ட கமலா ஹாரிஸ் துணை அதிபராகவும் பதவியேற்க உள்ளனர்.
தனது மந்திரி சபையில் இடம்பெறும் நபர்களை ஜோ பிடன் அறிவித்து வருகிறார். இந்த நிலையில் ஓய்வு பெற்ற ஜெனரல் லாயிட் ஆஸ்டின்(67) என்பவரை அமெரிக்கா பாதுகாப்பு தலைமையகம்(பென்டகன்) தலைவராக ஜோ பிடன் நியமிக்க உள்ளதாக தகவல் வெளியாகி உள்ளது.
கறுப்பினத்தை சேர்ந்த லாயிட் ஆஸ்டின் பென்டகன் தலைவராக நியமிக்கப்பட்டால் அந்த பதவியை அலங்கரிக்கும் முதல் ஆபிரிக்க-அமெரிக்கர் என்கிற பெருமையை லாயிட் ஆஸ்டின் பெறுவார்.2003 ல் அமெரிக்க படைகளை பாக்தாத்துக்கு வழிநடத்தி, அமெரிக்க மத்திய படைக்கு தலைமை தாங்கியவர் லாயிட் ஆஸ்டின் ஆவார்.
லாயிட் ஆஸ்டின் நான்கு தசாப்தங்களாக தனது பணியை ராணுவத்தில் கழித்தார். முன்னணி படைப்பிரிவுகள் முதல் தளவாடக் குழுக்களை இயக்குவது, ராணுவத்தில் ஆட்சேர்ப்பை மேற்பார்வையிடுவது, பென்டகன் தொடர்பான பல முக்கிய பணிகளைப் செய்தவர் லாயிட் ஆஸ்டின். லாயிட் ஆஸ்ட்டினை பதவியில் அமர்த்த ஜோ பிடன் திங்கள்கிழமை தனது விருப்பத்தை தெரிவித்ததாகவும், வெள்ளிக்கிழமை இது உறுதிபடுத்தப்படும் எனவும் சி.என்.என், பாலிடிகோ மற்றும் நியூயார்க் டைம்ஸ் பத்திரிகைகள் செய்தி வெளியிட்டன. லாயிட் ஆஸ்டின் நியமனத்துக்கு செனட் சபை ஒப்புதல் அவசியம் என்பது குறிப்பிடத்தக்கது.
அமெரிக்க பாதுகாப்பு தலைவராக கறுப்பினத்தை சேர்ந்த லாயிட் ஆஸ்ட்டினை நியமிக்க ஜோ பிடன் முடிவு செய்துள்ளதாக பத்திரிகைகள் செய்தி வெளியிட்டன. இந்த பதவியில் அமர்ந்தால் பென்டகன் தலைவராக பொறுப்பு ஏற்கும் முதல் ஆப்பிரிக்க-அமெரிக்கர் என்ற பெருமையை பெறுவார்.
Click it and Unblock the Notifications
Sign in with Google