பஞ்ச தந்திர காயினுக்கு சிறப்பு சலுகை.. பிக்பாஸில் இருந்து வெளியேற்றப்பட்டது யார்?.. ரசிகர்கள் கவலை!

Updated: Sunday, October 31, 2021, 15:13 [IST]

Subscribe to Oneindia Tamil

சென்னை: பிக்பாஸ் சீசன் 5லிருந்து இந்த வாரம் நாட்டுப்புற பாடகி சின்னபொண்ணு எலிமினேட் செய்யப்பட்டதாக தகவல்கள் வெளியாகியுள்ளன.

பிக்பாஸ் சீசன் 5 நிகழ்ச்சி கடந்த 3ஆம் தேதி தொடங்கப்பட்டு 25 நாட்களை கடந்து ஓடி கொண்டிருக்கிறது. இந்த நிகழ்ச்சியில் தற்போதுதான் விறுவிறுப்பு ஏற்பட்டுள்ளது.

வாரந்தோறும் ஒருவர் இந்த நிகழ்ச்சியிலிருந்து வெளியேற்றப்படுவது வழக்கம். அதற்காக ஒவ்வொரு போட்டியாளர்களும் ஒரு போட்டியாளரை எலிமினேஷனுக்கு நாமினேட் செய்வர். அந்த வகையில் மக்கள் வாக்களிப்பு மூலம் எந்த போட்டியாளர் குறைந்த வாக்குகளை பெற்றுள்ளாரோ அவரே எலிமினேட் செய்யப்படுகிறார்.

நாமினேஷன்

நமீதா மாரிமுத்து தாமாக வெளியேறியது மட்டுமல்லாமல் இந்த நிகழ்ச்சியில் கடந்த இரு வாரங்களில் இரு நாமினேஷன்கள் நடந்துள்ளன. அதில் முதலில் நாடியா சாங்கும், அடுத்தது யூடியூபர் அபிஷேக் ராஜாவும் வெளியேற்றப்பட்டனர். இந்த வார நாமினேஷன் பிராசஸ்ஸை பிக்பாஸ் அறிவித்தார்.

சின்னபொண்ணு

இதையடுத்து அபினய், சின்னபொண்ணு, வருண், பிரியங்கா, சுருதி, அக்ஷரா, பாவனி, இமான் அண்ணாச்சி, இசைவாணி ஆகிய 9 பேர் நாமினேஷனில் இருந்தனர். இதில் பஞ்ச தந்திர காயினை வைத்திருந்த இசைவாணி, வருண், பாவனி ஆகிய மூவருக்கும் ஒரு சிறப்பு சலுகை அளிக்கப்பட்டது. அதாவது அவர்களுக்கு பதிலாக அவர்களின் காயினை பயன்படுத்தி வேறு யாரையாவது நாமினேட் செய்யலாம் என்ற சலுகை அளிக்கப்பட்டது.

கமல்ஹாசன்

ஆனால் மூன்று பேருமே அந்த சலுகையை ஏற்க மறுத்து நாமினேஷனில் தொடர்ந்தனர். இதையடுத்து நேற்று நடந்த நிகழ்ச்சியில் இசைவாணியும் இமான் அண்ணாச்சியும் காப்பாற்றப்பட்டதாக கமல்ஹாசன் அறிவித்தார். இந்த நிலையில் சின்னபொண்ணு, அபினய் ஆகியோரில் யார் வெளியேற்றப்படுவார் என எதிர்பார்க்கப்பட்டது.

தகவல்கள்

இந்த நிலையில் இன்றைய தினம் சின்னபொண்ணு வெளியேற்றப்பட்டிருப்பதாக தகவல்கள் வெளியாகியுள்ளது. முதல் வாரமும் அபிஷேக் வெளியேற்றப்பட வேண்டும் என ரசிகர்கள் எதிர்பார்த்தனர். அது போல் ஆனால் முதல் வாரம் நாடியா வெளியேற்றப்பட்டார். இதையடுத்து அடுத்த வாரமும் அபிஷேக்கின் எவிக்ஷன் குறித்து எதிர்பார்க்கப்பட்டது. அதே போல் அபிஷேக் ராஜா கடந்த வாரம் வெளியேற்றப்பட்டார். இந்த முறை அபினய் வெளியேற்றப்படுவார் என எதிர்பார்க்கப்பட்ட நிலையில் சின்னபொண்ணு வெளியேற்றப்பட்டதாக தகவல்கள் வந்துள்ளன. இதை உறுதிப்படுத்த இன்றைய நிகழ்ச்சியை பார்த்தால்தான் தெரியும்.