Surakkai Chutney recipe: சுரைக்காய் சட்னி செய்தால் எத்தனை தோசை, இட்லி உள்ள போகுதுனே தெரியாது!

Surakkai Chutney recipe (சுரைக்காய் சட்னி): இட்லி, தோசைக்கு தொட்டுக் கொள்ள ஒரே விதமான தேங்காய் சட்னி, தக்காளி சட்னி, சாம்பார் வைத்து போரடிக்கிறதா? அப்படி என்றால் சுரைக்காய் சட்னியை செய்து பாருங்கள். சுவையாக இருக்கும்.

இட்லி, தோசைக்கு தொட்டுக் கொள்ள என்ன செய்வது என்ற யோசனை நம்மில் பலருக்கு உள்ளது. என்னதான் தேங்காய் சட்னி, வேர்க்கடலை சட்னி, சாம்பார், வெங்காய சட்னி என வைத்தாலும் புதிதாக ஏதாவது செய்யலாம், சாப்பிடலாம் என்றுதான் தோன்றுகிறது.

அதிலும் சுரைக்காயை வைத்து கூட்டு, பொரியல் செய்யலாம். உடல் எடை குறைய ஜூஸ் கூட போடலாம். ஆனால் அந்த காயில் ஒரு சூப்பரான சட்னி செய்யலாம் தெரியுமா? எப்படி செய்யுறதுனு பார்க்கலாம் வாங்க!

சுரைக்காய்- ஒரு கப்
பச்சைமிளகாய்- 4
பூண்டு பல் -5
இஞ்சி- கால் இன்ஞ் நறுக்கியது
உப்பு, எண்ணெய் - தேவைக்கேற்ப
கறிவேப்பிலை- சிறிது
தேங்காய்- கால் கப்
கடுகு- 1 டீஸ்பூன்

செய்முறை

ஒரு மீடியம் சைஸ் சுரைக்காயின் தோலை சீவிக் கொண்டு அதில் உள்ள கொட்டைகளை நீக்கிவிடுங்கள்.

பின்னர் அதை பொடி பொடியாக நறுக்கிக் கொள்ளவும்.

ஒரு கடாயில் சிறிது எண்ணெய் ஊற்றி பச்சைமிளகாய், இஞ்சி, பூண்டு சேர்த்து ஒரு நிமிடத்திற்கு நன்கு வதக்கிவிடவும்.

பின்னர் அதில் நறுக்கிய சுரைக்காயை சேர்க்கவும். உப்பு, கறிவேப்பிலை சேர்த்து 2 நிமிடங்கள் வதக்கவும்.

மூடி விட்டு சுரைக்காய் வேகும் வரை வேகவிடுங்கள்.

நன்றாக ஆறியதும் கால் கப் தேங்காய், தண்ணீர் சேர்த்து அரைத்துக் கொள்ளவும். பின்னர் கடுகு, காய்ந்த மிளகாய், பெருங்காயத் தூள் சேர்த்து தாளித்து கொட்டவும். இந்த சட்னியை செய்தால் தோசை, இட்லி எத்தனை போனது என தெரியாது! மறுபடியும் முதல்ல இருந்து கோட்டை போடுவதுதான்!

English summary

Tired of repeating the same coconut chutney, tomato chutney, or sambar with your idli and dosa? Try this tasty Surakkai (bottle gourd) chutney for a refreshing change. It’s simple to prepare and adds a flavorful twist to your everyday breakfast.