முதலில் உங்கள் லெவல் பாருங்கள் அதுக்குப்பிறகு குறை கூறலாம்...அமீருக்கு அட்வைஸ் செய்யும் ரசிகர்கள்

By V Vasanthi

Updated: Friday, November 26, 2021, 12:16 [IST]

Subscribe to Oneindia Tamil

சென்னை: பிக் பாஸ் நிகழ்ச்சியில் வந்த ஒரு சில நாட்களில் நெட்டிசன்களின் கமெண்டுகளில் அகப்பட்டுள்ளார் அமீர்.

இதுதான் வாயைக் கொடுத்து வம்பை விலைக்கு வாங்குவதா என்று பலர் அமீருக்கு அட்வைஸ் கொடுத்து வருகின்றனர்.

முதல் வாரத்தில் ஜெயிலில் உட்கார்ந்தபடி கதை பேசிய அமீருக்கு நெகட்டிவ் கமெண்டுகள் பறந்து வருகிறது.

இரண்டாவது வைல்ட் கார்ட் என்ட்ரி

பிக் பாஸ் நிகழ்ச்சியில் ஒரு சில போட்டியாளர்கள் செய்யும் செயல்கள் அவ்வப்போது நெட்டிசன்கள் காண்டு அடைய செய்து விடும். அந்த மாதிரி தான் தற்போது இந்த நிகழ்ச்சிக்கு வந்த ஒரு சில நாட்களில் அமீர் செய்யும் செயல்கள் ஒரு சில ரசிகர்களை கடுப்பேற்றி இருக்கிறதாம். இரண்டாவது வைல்ட் கார்ட் என்ட்ரி ஆக ஒரு நடன மாஸ்டர் நிகழ்ச்சிக்குள் வந்ததும் இவரால் நிகழ்ச்சி சூடு பிடிக்குமா என்று பலர் எதிர்பார்ப்புகளை கொண்டிருந்தனர்.

முதல்நாளே கிடைத்த ஆசிரியர் பணி

அதுமட்டுமல்லாமல் இவர் சாண்டி மாஸ்டர் போன்று நிகழ்ச்சிக்கு சுவாரசியமும், கலகலப்பும் கூட்டுவாரா என்று பலர் இவர் மீது எதிர்பார்ப்புகளை வைத்திருந்த நேரத்தில், இவர் வந்த நாளே கனா காணும் காலங்கள் டாஸ்க் தொடங்கிவிட்டதால் நிகழ்ச்சியில் ஒரு ஆசிரியராக இவருக்கு கொடுத்த பணியை செய்து கொண்டிருந்தார். ஆனால் எந்த ஒரு சுவாரஸ்யம் காட்டவில்லை என்று பலர் இவர் மீது குறை கூறிக் கொண்டிருக்கின்றனர்.

ஐக்கி வைத்த பட்ட பெயர்

டான்ஸை தவிர உருப்படியாக எதுவும் செய்யவில்லையே என்று இவர் மீது ரசிகர்கள் ஒரு பக்கம் குறை கூறிக் கொண்டிருக்கும் போது இவருக்கு பேச தெரியுமா?? தெரியாதா?? என்று சக போட்டியாளர்களும் இவரை கலாய்த்து தள்ளிக் கொண்டிருந்தனர். அதுவும் வந்த முதல்நாளே ஐக்கி இவரை சிடுமூஞ்சி என்று அழைக்க தொடங்கி விட்டார். அவர் மட்டுமல்லாமல் பிரியங்காவை தவிர அனைத்து போட்டியாளர்களும் இவருக்கு சிரிக்கவே தெரியாதா?? எப்போதும் உம்மென்று இருக்கிறாரே என்று விதவிதமாக குறை கூறிக் கொண்டிருக்கின்றனர்.

நெட்டிசன்களின் அறிவுரை

வந்த முதல் வாரத்தில் எந்த ஒரு சுவாரஸ்யமான விஷயத்தையும் செய்யவில்லை என்று இவர் பாதாள சிறையில் அனுப்பி வைக்கப்பட்டுள்ளார். அந்த நிலையில் இவர் தாமரை செல்வியை பற்றி ஒரு சில வார்த்தைகள் கூறி இருக்கிறார். இதை பார்த்ததும் சமூக வலைத்தளத்தில் ரசிகர்கள் இவருக்கு எதிராக கமெண்ட்களை அனுப்பி வருகின்றனர். இவர் ஒரு புது போட்டியாளராக இருந்தாலும் வந்த ஒரு சில நாள்களில் கூட எந்த சுவாரஸ்யத்தையும் ஏற்படுத்தாமல் இருந்துவிட்டு, அடுத்தவர்களை குறை கூறுவது தவறு என்று இவருக்கு அட்வைஸ் மழை பொழிந்து வருகிறது.