மாதம்பட்டி ரங்கராஜன் முதல் மனைவி போஸ்ட் போட்ட அடுத்த நொடி லீக்கான பிரைவேட் போட்டோ!
சென்னை: சமையல் கலைஞர், தொழிலதிபர், நடிகர் மற்றும் தொலைக்காட்சி நிகழ்ச்சிகளில் நடுவர் என பல முகங்களுடன் அறியப்படும் மாதம்பட்டி ரங்கராஜன், கடந்த சில மாதங்களாகவே சர்ச்சைகளால் தொடர்ந்து கவனத்தை ஈர்த்து வருகிறார். குறிப்பாக அவரது தனிப்பட்ட வாழ்க்கையைச் சுற்றிய விவகாரம் சமூக வலைதளங்களில் பரபரப்பை ஏற்படுத்திய நிலையில், தற்போது வெளியான புதிய பதிவுகள் இந்த சர்ச்சைக்கு மேலும் தீனி போட்டுள்ளன.
முதல் மனைவி பதிவு
சமீபத்தில் அவரது முதல் மனைவி ஸ்ருதி ரங்கராஜ், திருப்பதி திருமலை கோவிலில் குடும்பத்துடன் எடுத்துக்கொண்ட புகைப்படங்களை சமூக வலைதளங்களில் பகிர்ந்திருந்தார். பாரம்பரிய உடையில் குடும்பத்தினர் அனைவரும் ஒன்றாக இருந்த அந்த புகைப்படம், "எதுவாக இருந்தாலும் குடும்பம் ஒன்றாக இருக்கிறது" என்ற தன்னம்பிக்கையை ரசிகர்களிடம் கொண்டு சென்றது. இந்த பதிவு வைரலான நிலையில், பலரும் இது சர்ச்சைக்கு மறைமுகமான பதில் என கருத்து தெரிவித்தனர்.
ஜாய் கிரிஸில்டா பதிவு
ஆனால் இதற்குப் பிறகு நடந்த ஒரு பதிவு இந்த விவகாரத்தை மீண்டும் சூடுபிடிக்க வைத்துள்ளது. மாதம்பட்டி ரங்கராஜனை குற்றம் சாட்டிய ஜாய் கிரிஸில்டா, தன்னுடைய சமூக வலைதளத்தில் அவருடன் நெருக்கமாக இருக்கும் புகைப்படத்தை பகிர்ந்து, அதற்கு அதிர்ச்சியூட்டும் விளக்கத்தையும் இணைத்துள்ளார்.
அந்த பதிவில், "டி.என்.ஏ பரிசோதனை முடிவுகள் குறித்து பலர் கேட்கிறார்கள். அதற்கான அப்டேட் இதோ. மாதம்பட்டி ரங்கராஜ், ரகா ரங்கராஜை தனது மகனாக ஏற்றுக்கொண்டுள்ளார். வாழ்நாள் முழுவதும் அவருடன் இருப்பேன் என்றும், தனது மகனை ஒருபோதும் விட்டு செல்லமாட்டேன் என்றும் கூறியுள்ளார். இனி என்ன நடக்கிறது என்பதை காத்திருந்து பார்ப்போம்" என்று குறிப்பிட்டுள்ளார்.
இந்த பதிவு வெளியானதும், சமூக வலைதளங்களில் மீண்டும் பெரிய விவாதம் கிளம்பியுள்ளது. சிலர், "இது உண்மையானால் இதுவரை ஏன் மறுப்பு?" என்று கேள்வி எழுப்ப, மற்றவர்கள் "முழு உண்மை இன்னும் வெளிவரவில்லை" என்று கருத்து தெரிவித்து வருகின்றனர்.
முன்னதாக, ஜாய் கிரிஸில்டா அளித்த புகாரில், தன்னை திருமணம் செய்து கொண்டு பின்னர் ஏமாற்றியதாகவும், தன்க்கு பிறந்த குழந்தைக்கு மாதம்பட்டி ரங்கராஜனே தந்தை என்றும் கூறியிருந்தார். இந்த குற்றச்சாட்டுகள் பெரும் பரபரப்பை ஏற்படுத்திய நிலையில், டி.என்.ஏ பரிசோதனை விவகாரம் இந்த சர்ச்சையின் உச்ச கட்டமாக மாறியது.
இதற்கு பதிலளித்த ஸ்ருதி ரங்கராஜ், தனது கணவரை ஆதரித்து, "எங்கள் குடும்பத்தை குறிவைத்து தவறான தகவல்கள் பரப்பப்படுகின்றன" என்று தெரிவித்திருந்தார். மேலும் இந்த விவகாரத்தை சட்ட ரீதியாக எதிர்கொள்வோம் என்றும் கூறியிருந்தார்.
இதே நேரத்தில், அவர் நடுவராக இருந்த "குக் வித் கோமாளி" நிகழ்ச்சியிலும் அவரது வருகை குறைந்தது ரசிகர்களின் கவனத்தை ஈர்த்தது. இதுவும் இந்த சர்ச்சையுடன் தொடர்புடையதா என்ற கேள்விகளும் எழுந்தன.
ஒருபுறம் குடும்பத்துடன் கோவில் தரிசனம், மறுபுறம் ஜாய் கிரிஸில்டாவின் அதிரடி பதிவு-இரண்டும் சேர்ந்து இந்த விவகாரத்தை புதிய கட்டத்திற்கு கொண்டு சென்றுள்ளது.
மொத்தத்தில், தனிப்பட்ட வாழ்க்கை, சட்டப்பூர்வ பிரச்சினைகள் மற்றும் சமூக வலைதள அழுத்தம் ஆகியவற்றின் நடுவில் இருக்கும் மாதம்பட்டி ரங்கராஜனைச் சுற்றியுள்ள சர்ச்சை இன்னும் முடிவுக்கு வராத நிலையில் உள்ளது. அடுத்தடுத்த நாட்களில் இந்த விவகாரம் எவ்வாறு திருப்பம் எடுக்கும் என்பது தான் தற்போது அனைவரின் கவனத்தையும் ஈர்த்துள்ளது.
Click it and Unblock the Notifications
Sign in with Google