Samantha: சமந்தாவுக்கு ரகசியமாக நடந்த இரண்டாவது திருமணம்! ராஜ் நிடிமோருவின் மனைவி வெளியிட்ட பதிவு

Updated: Monday, December 1, 2025, 17:12 [IST]

Subscribe to Oneindia Tamil

சென்னை: நடிகை சமந்தாவும் இயக்குனர் ராஜ் நிடிமோருவும் காதலித்து வருவதாக சில மாதங்களாகவே தகவல் பரவி வந்த நிலையில் இன்று கோவை ஈஷா யோகா மையத்தில் வைத்து இவர்கள் இருவரும் திருமணம் செய்து கொண்டனர். இந்த நிலையில் ராஜின் முதல் மனைவி ஷாமிலி போட்டு இருக்கும் insta போஸ்ட் இணையத்தில் கவனத்தை பெற்று வருகிறது.

சமந்தா நடிகர் நாகார்ஜுனாவின் மகனான நாக சைதன்யாவை காதலித்து திருமணம் செய்து கொண்டார். ஆனால் அவர்களுடைய திருமணம் சில வருடங்களிலேயே விவாகரத்தில் முடிந்துவிட்டது. அதற்கு பிறகு நாக சைதன்யா பற்றி எந்த இடத்திலும் சமந்தா பேசவில்லை. நாக சைதன்யாவுடன் பிரிவுக்கு பிறகு சமந்தா மீண்டும் எப்போது திருமணம் செய்வார் என்று ரசிகர்கள் எதிர்பார்த்து இருந்தனர் அந்த தருணமும் வந்திருக்கிறது. இன்று காலை நடிகை சமந்தாவிற்கு இரண்டாவது திருமணம் நடந்திருக்கிறது.

சமந்தாவிற்கு பைரவி கோவிலில் எளிமையாக திருமணம் நடைபெற்று இருக்கிறது. அதற்குப் பிறகு சமந்தாவின் பேவரைட் பிளேஸ் ஆன ஈஷா மையத்தில் வைத்து திருமண விழா நடைபெற்றிருக்கிறது. இதில் நெருங்கிய நண்பர்கள் மட்டுமே கலந்து கொண்டதாக தெரிகிறது. சமந்தாவை போலவே ராஜ்க்கு இது இரண்டாவது திருமணம் தான். ராஜ்க்கு 44 வயதாகிறது, சமந்தாவிற்கு 38 வயதாகிறது

சமந்தா நாக சைதன்யாவுடன் திருமணத்திற்கு பிறகு தி ஃபேமிலி மேன் சீரிஸில் மிகவும் கவர்ச்சியாக நடித்திருந்தார். அந்த நேரத்தில் இதை வைத்துதான் சமந்தா மற்றும் நாக சைதன்யா இருவருக்கும் கருத்து வேறுபாடு ஏற்பட்டதாக கூட கூறப்பட்டது. பிறகு சமந்தா விவாகரத்து செய்ததும் அந்த வெப்சீரிஸை இயக்கிய ராஜ்-ஐ காதலிக்க தொடங்கியதாக செய்திகள் பரவியது.

ராஜ்க்கு ஏற்கனவே திருமணம் ஆகி விவாகரத்து ஆகியிருக்கிறது. இந்த நிலையில் இன்று இவர்களுடைய திருமண செய்தி வெளியானதும் ராஜின் முன்னாள் மனைவி ஷாமிலி போட்டு இருக்கும் இன்ஸ்டா போஸ்ட் இணையத்தில் வைரல் ஆகி வருகிறது. அதில் "விரக்தி ஆனவர்கள் விரக்தி ஆன செயலை செய்வார்கள்" என்ற மைக்கேல் ப்ரூக்ஸின் வார்த்தைகளை வைத்திருக்கிறார்.