விஜய் டிவியில இருக்கீங்களா? இல்லையா?... சொல்லுங்க டிடி சொல்லுங்க...

வாய் ஓயாத பேச்சு... அரைமணி நேர நிகழ்ச்சியில் 20 நிமிடம் தானே பேசி சிறப்பு விருந்தினரை பத்து நிமிடம் பேச வைக்கும் பெருமைக்குரிய தொகுப்பாளினி டிடி என்கிற திவ்யதர்ஷினி. இதை நாங்க சொல்லலை. ஓரு காதல் கண்மணி பேட்டியின் போது பங்கேற்ற மணிரத்னம், வைரமுத்து ஆகியோரும் இதையே டிடியிடம் நேரடியாக சொன்னார்கள்.

விஜய் டிவியில் கடந்த பத்து ஆண்டுகளுக்கும் மேலாக பல்வேறு நிகழ்ச்சிகளை தொகுத்து வழங்கி வந்த டிடியை கடந்த மே மாதம் முதலே டிவி நிகழ்ச்சிகளில் பார்க்க முடியவில்லை.

விஜய் அவார்ட்ஸ் நிகழ்ச்சியை சொதப்பலாக தொகுத்து வழங்கியதால் கல்தா கொடுக்கப்பட்டு விட்டதாகவும், இல்லை இல்லை அவர் தானாகவே தனது பதவியை ராஜினாமா செய்து விட்டதாகவும் தகவல்கள் வெளியாகின.

அதைவிட முக்கியமாக டிடி கர்ப்பமாக இருப்பதால் சில காலம் ஓய்வில் இருப்பதாகவும் செய்தி வெளியானது. என்னதான் செய்கிறார் டிடி என்பதற்காக அவரை கடந்த வாரம் தொடர்பு கொண்டோம்

டிடி: ஹலோ யார் பேசறீங்க?

நாம்: டிடி எப்படி இருக்கீங்க? டிவில ஆளை பார்க்க முடியலையே?

டிடி: எனக்கு கொஞ்சம் உடம்பு சரியில்லை.. அதான் ரெஸ்ட்ல இருக்கேன்.

நாம்: சின்னதா பேட்டி இப்போ எடுத்துக்கலாமா?

டிடி: இப்போதைக்கு எதுவும் சொல்றதுக்கு இல்லை... நானே கூப்பிடுறேனே... பை...

இது போன வாரம்..... இந்த வாரம் டிடியின் ராஜினாமா செய்தி வெளியான பின்னர் நாம் மீண்டும் டிடியை தொடர்பு கொண்டோம்.

டிடி: நான் வெளியில இருக்கேன்... இப்போதைக்கு பேச முடியாது அப்புறம் கூப்பிடவா?

நாம்: உங்களைப் பற்றி ஒரு செய்தி வந்திருக்கே... விஜய் டிவியில இருந்து நீங்க ரிசைன் பண்ணிட்டதா? ... ( நாம் முடிக்கவேயில்லை)

டிடி: அப்படியா?... நான் அதை படிக்கவேயில்லையே.... படிச்சிட்டு சொல்றேனே... அப்புறம் கூப்பிடறேன்... பை. என்று கூறி இணைப்பை துண்டித்த டிடி இதுவரைக்கும் கூப்பிடவேயில்லை.

டிவி நிகழ்ச்சிகளில் பங்கேற்கவில்லை என்றாலும் கடைதிறப்பு, விளம்பரங்களில் டிடி நடித்துக்கொண்டுதான் இருக்கிறார். டிடி தற்போது வெளியூர் சென்றிருப்பதாக தகவல்கள் வெளியாகியுள்ளது. ராஜினாமா செய்து விட்டதாக வெளியாகும் செய்தி வெறும் வதந்தி என்று டிடி கூறியுள்ளதாகவும் செய்திகள் உலா வருகின்றன.

நீங்க விஜய் டிவியில வருவீங்களா மாட்டீங்களா? சொல்லுங்க டிடி சொல்லுங்க.

English summary

It is being rumoured that DD had got to know about the channel's decision to fire her and so she herself has opted to resign from the channel. Meanwhile other reports suggests that the anchor is pregnant and hence, has decided to quit to focus on her family.