ஐ.நாவில் இலங்கைக்கு எதிராக மீண்டும் தீர்மானம்

கொழும்பு: ஐ.நா. மனித உரிமை சபையில் வரும் மார்ச் மாதம் இலங்கைக்கு எதிராக மேலும் ஒரு தீர்மானத்தை கொண்டுவர அமெரிக்கா உள்ளிட்ட நாடுகள் முடிவு செய்துள்ளன.

அமெரிக்காவுடன் கனடா, இங்கிலாந்து மற்றும் ஐரோப்பிய ஒன்றியம் கை கோர்த்து இலங்கைக்கு எதிராக தீர்மானம் கொண்டுவரத் தீர்மானித்துள்ளன. கடந்த ஜெனீவா மாநாட்டில் இலங்கை வழங்கிய உறுதி மொழிகள் எதையும் நிறைவேற்றாததால் இம்முடிவை இந்த நாடுகள் மேற்கொண்டிருப்பதாகக் கூறப்படுகிறது.

அமெரிக்காவின் இந்த தீர்மானம் மனித உரிமைகள் சபையில் நிறைவேற்றினால் அதனை ஐ.நா. பாதுகாப்புச் சபைக்கு கொண்டு செல்லவும் அமெரிக்கா திட்டமிட்டுள்ளதாகவும் கூறப்படுகிறது.

English summary

United States of America will move another resolution against Sri Lanka at UNHRC.