சிறந்த தாய் பெனாசிர் - மக்கள் தொகை கழகம் விருது

லாகூர்: சிறந்த தாய்க்கா விருது மறைந்த பாகிஸ்தான் முன்னாள் பிரதமர் பெனாசிர் பூட்டோவுக்கு வழங்கப்படுவதாக உலக மக்கள் தொகைக் கழகம் அறிவித்துள்ளது.

இதுதொடர்பான விழா இஸ்லாமாபாத்தில் நடந்தது. இதில் பெனாசிர் பூட்டோவின் மகனும், பாகிஸ்தான் மக்கள் கட்சியின் தலைவருமான பிலாவல் பூட்டோ சர்தாரி சார்பில், பெனாசிர் பூட்டோ வருவாய் ஆதரவு திட்ட தலைவி பர்சானா ராஜா பெற்றுக் கொண்டார்.

தனது குழந்தைகள், குடும்ப உறவுகள் மற்றும் நாட்டின் மீதான பற்று ஆகியவற்றை ஒரே மாதிரியாக பாவித்து சிறந்த தாயுணர்வோடு நடந்து கொண்டவர் பெனாசிர் பூட்டோ.

சிறந்த தாய் என்பவர் இப்படித்தான் இருக்க வேண்டும் என்பதற்கு பெனாசிர்தான் சிறந்த உதாரணம் என்று உலக மக்கள் தொகை கழகம் தெரிவித்துள்ளது.

தனது பிள்ளைகளுக்கு சிறந்த தாயாகவும், சகோதர, சகோதரிகளுக்கு நல்ல சகோதரியாகவும், கணவருக்கு நல்ல மனைவியாகவும், தந்தைக்கு நல்ல மகளாகவும், நாட்டுக்கு நல்ல தலைவியாகவும், நாட்டு மக்களுக்கு நல்ல தலைவியாகவும் விளங்கியவர் பெனாசிர். நாட்டு மக்களை தன் குடும்ப உறுப்பினர்களாக கருதி பாசம் வைத்திருந்தார் பெனாசிர் என்றும் உலக மக்கள் தொகைக் கழகம் பாராட்டு தெரிவித்துள்ளது.