ராஜாவைப் போல ஜொலிக்கப்போகும் சிம்மம்.. இந்த வாரம் உச்சம் தொடும் ராசியா?
Weekly Rasi Palan: ஜூன் 22 முதல் 28 ஆம் தேதி (ஆனி 8 முதல் 14 ஆம் தேதி) வரையிலான இந்த வாரத்தில் சிம்ம ராசியினருக்கு கிடைக்கும் நல்ல பலன்கள், பரிகாரங்கள், வழிபட வேண்டிய தெய்வங்கள் குறித்து இந்த ஜோதிட கட்டுரையில் விரிவாகப் பார்க்கலாம்.
2026 இல் பல்வேறு முக்கிய கிரகங்களின் இடமாற்றம் நடைபெறவுள்ளன. ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாவது வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு நல்ல பலன்களையும், சில ராசிக்காரர்களுக்கு அசுப பலன்களையும் உண்டாக்கும்.
வைகாசி மாதம் முடிந்து ஆனி மாதம் பிறந்துள்ளது. சூரிய பகவான் மிதுனத்துக்கு பிரவேஷமாகியுள்ளார். மிதுனம், கன்னி, மகர ராசிக்கு நிறைய பிரச்சனைகள் நிவர்த்தியாகும். அந்த வகையில், ஜூன் 22 முதல் 28 ஆம் தேதி (ஆனி 8 முதல் 14 ஆம் தேதி) வரையிலான இந்த வாரத்தில் சிம்ம ராசியினருக்கு கிடைக்கும் நல்ல பலன்கள் குறித்துப் பார்க்கலாம்.
சிம்மம் ராசி பலன்
சிம்ம ராசியினர் நிறைய லாபம் கிடைக்கும் வாரமாக இருக்கும். குடும்பத்தில் காணப்பட்டிருந்த மன அழுத்தம், சங்கடங்கள் பரிபூரணமாக நீங்கும். உங்களுடைய துணை உங்களைப் புரிந்து கொண்டு நடந்து கொள்வார்கள். அவர்களுடைய பரிபூரண ஆதரவு கிடைக்கும். ஹார்மோன் குறைபாடு, குறை ரத்த அழுத்தம், கழிவுப் பாதையில் வரும் பாதிப்புகளில் மிகுந்த கவனமாக இருப்பது நல்லது.
அனுகூலம்
அரசுத் துறை, அரசியல்வாதிகளுக்கு ஏற்றம் ஏற்படும். பெயர், புகழ் உண்டாகும் காலகட்டம். பெண்களுக்கு நிறைய நன்மைகள் ஏற்படும். கோயில்களுக்குச் சென்று வருவீர்கள். இழுபறியாக இருந்த காரியங்கள் இனி படிப்படியாக நடக்க ஆரம்பிக்கும். லாப ஸ்தானத்தில் சூரியன் பலமாக இருப்பதால் அரசியல்வாதிகள், அரசு சார்ந்த தொடர்புகள் கிடைக்கும். பெரிய மனிதர்களின் ஆதரவு உண்டாகும்.
முன்னேற்றம்
உற்சாகமும் முன்னேற்றமும் நிறைந்த வாரமாக அமையும். நீண்ட நாட்களாக தடைபட்டு வந்த சில காரியங்கள் சாதகமாக முடிவடையும். தன்னம்பிக்கையும் செயல்திறனும் அதிகரிப்பதால் புதிய முயற்சிகளில் வெற்றி காண்பீர்கள். பணியிடத்தில் உங்கள் திறமைகள் பாராட்டப்படும். மேலதிகாரிகளின் ஆதரவு கிடைக்கும். பதவி உயர்வு அல்லது புதிய பொறுப்புகள் கிடைப்பதற்கான வாய்ப்புகள் உண்டு.
பணவரவு
வியாபாரிகளுக்கு புதிய வாடிக்கையாளர்கள் மற்றும் லாபகரமான ஒப்பந்தங்கள் கிடைக்கக்கூடும். வருமானம் சீராக இருக்கும். எதிர்பாராத வகையில் பணவரவு கிடைக்க வாய்ப்புள்ளது. பழைய கடன்களை அடைப்பதற்கான சூழல் உருவாகும். தேவையற்ற செலவுகளை கட்டுப்படுத்துவது நல்லது. அடுத்தடுத்து சுபகாரியங்கள் நடக்கும்.
சேமிப்பு
சேமிப்புகளை ஆரம்பிக்கும் யோகம் உண்டு. இன்ஜின் சம்பந்தப்பட்ட பழுதுகள் வருவதற்கான வாய்ப்புள்ளது. வெளியூர், வெளிநாடு செல்லும் யோகம் உண்டாகும். நினைத்த காரியங்கள் நடக்கும் யோகம் உள்ளது. இரவு நேரங்களில் செய்யக்கூடிய காரியங்கள் வெற்றியைத் தரும். இடமாற்றம் உண்டாகும். ஆரோக்கியத்தைப் பார்த்துக் கொள்வது நல்லது.
வழிபாடு
ரத்த அழுத்தம், சர்க்கரை தொடர்பான விஷயங்களில் கவனமாக இருப்பது நல்லது. சந்தோஷம் ரீதியாக 70 சதவீதமும், பொருளாதாரம் ரீதியாக 90 சதவீதமும் நன்மைகள் உண்டாகும் நல்ல காலகட்டம். ஸ்ரீமன் நாராயணன் வழிபாடு உங்களுக்கு ஏற்றத்தைக் கொடுக்கும்.
Click it and Unblock the Notifications
Sign in with Google