ரஸ்தாளி பெஸ்ட்.. மஞ்சள் காமாலை நோயை நெருங்கவிடாது காக்கும் உணவுகள் இதுதான். பலே வைட்டமின் C பழங்கள்

Updated: Tuesday, September 24, 2024, 17:30 [IST]

Subscribe to Oneindia Tamil

சென்னை: சர்க்கரை நோயாளிகளுக்கு ஏற்ற சிறந்த பழங்கள் என்னென்ன தெரியுமா? அவைகளின் பலன்கள் என்னென்ன தெரியுமா?
உணவு முறை, மன அழுத்தம், சமூக வாழ்க்கை முறையில் மாற்றம், துரித உணவு, போன்ற காரணங்களால் பல்வேறு நோய்களுக்கு ஆளாக வேண்டியிருக்கிறது. இதனால், நோயாளிகளின் எண்ணிக்கையும் பெருகிக்கொண்டே வருகின்றது..

அந்தவகையில் மஞ்சள் காமாலை பாதிப்பையும் சொல்லலாம்.. மலேரியா, சிரோஸிஸ், கல்லீரல் நோய், தேவையற்ற நச்சுப்பொருட்கள் ரத்தத்தில் கலப்பது போன்ற காரணங்களால் காமாலை ஏற்படலாம்.. மருந்துகள் மட்டுமே மஞ்சள் காமாலையை குணப்படுத்தாது, உணவுக் கட்டுப்பாடுகளும் நிலையை மேம்படுத்த உதவுகிறது.

அறிகுறிகள்: மஞ்சள் காமாலையின் பாதிப்புகள் என்னென்ன தெரியுமா? பசியின்மை என்பதே மஞ்சள் காமாலைக்கான ஆரம்ப அறிகுறியாக உள்ளது.. மஞ்சள் காமாலையால் பாதிக்கப்பட்டால் முகம், கண், நகம் போன்றவை மஞ்சள் நிறத்துக்கு மாறிவிடும்.

அடிவயிற்றில் வலி, தலைவலி, காய்ச்சல், குமட்டல், பசியின்மை, உடல் எடை இழப்பு, வாந்தி போன்றவையும் மஞ்சள் காமாலையின் அறிகுறிகளாகும்.

தவிர்க்க வேண்டியவை: எண்ணெயில் பொரிக்கப்பட்ட உணவுகளை தவிர்த்துவிட்டு, அரிசிக்கஞ்சி, இட்லி போன்றவற்றை சாப்பிட்டால், ஜீரண கோளாறு ஏற்படாது.. உப்பு மற்றும் காரமான உணவுகளை தவிர்க்க வேண்டும்.

வறுத்த உணவுகள், சமைக்காத உணவுகள், அரைகுறையாக சமைத்த உணவுகளை தவிர்க்க வேண்டும். மாறாக உணவு விஷயத்தில் கவனமுடன் செயல்பட வேண்டும்.. எளிதில் செரிமானம் அடையக்கூடிய உணவுகளையே சாப்பிட வேண்டும்.. அதேபோல, ஒவ்வொருவரின் உடல்வெப்ப நிலையும் மாறுபடும் என்பதால், அதற்கேற்ற உணவுகளை தேர்ந்தெடுத்து சாப்பிடவேண்டும்.

கீழாநெல்லி: கீழாநெல்லி வேர்களை, அரைத்து அதன் சாற்றை எடுத்து காலை மற்றும் மாலை உணவுக்கு முன்பு உட்கொண்டு வரலாம். வாரத்தில் 3 நாள்கள் நோயின் தாக்கத்துக்கு ஏற்றவாறு மோரில் கரைத்து வெறும் வயிற்றில் குடிக்க வேண்டும்.. ஆனால், இதையெல்லாம் மருத்துவர்களின் அனுமதியில்லாமல் மருந்தாக உட்கொள்ளக்கூடாது. உணவில் கறிவேப்பிலையை சேர்த்துக்கொள்வது நல்லது..

நெல்லிக்காய்கள் மிகவும் நல்லது.. காரணம், இதிலுள்ள ப்ளத்தோரா என்ற பொருள் மஞ்சள் காமாலையை போக்கக்கூடியது.. ஏராளமான வைட்டமின் C, ஆன்டி ஆக்ஸிடென்ட்கள் உள்ளதால், கல்லீரலில் உள்ள செல்களை சுத்தம் செய்து, கல்லீரலை காக்கிறது.. எலுமிச்சம் பழமும் மிகச்சிறந்த மருந்தாகும்.. வெறும் வயிற்றில் எலுமிச்சம் சாறு குடித்து வரும்போது கல்லீரலில் உள்ள நச்சுக்கள் வெளியேற்றப்படும்.

ரஸ்தாளி பழம்: ரஸ்தாளியை எடுத்துக்கொண்டால், மருத்துவ குணங்கள் குறைவுதான்.. இதில் முக்கியமாக காமாலையை தடுப்பதில் ரஸ்தாளிக்கு மிகப்பெரிய பங்கு உள்ளது. எனவேதான், வளரும் குழந்தைகளுக்கு இந்த பழத்தை கட்டாயம் தர சொல்கிறார்கள்.
ரஸ்தாளி தவிர, பைனாப்பிள், பப்பாளி, மாம்பழம் போன்ற பழங்களும் எளிதில் சீரணிக்கக் கூடிய என்சைம்கள் உள்ளன.

மஞ்சள் காமாலையின் பாதிப்பு உடலிலிருந்து அகன்றுவிட்டால் கண், நகம், முகத்திலிருக்கும் மஞ்சள் நிறம் மாறிவிடும்.. அத்துடன் உணவிலும் நாட்டம் கூடும் என்கிறார்கள்.