ரயில்வேயில் வேலை.. கைநிறைய சம்பளம்.. தேர்வு எதுவும் கிடையாது.. எப்படி விண்ணப்பிக்கணும்? முழு தகவல்

Updated: Monday, January 17, 2022, 18:09 [IST]

Subscribe to Oneindia Tamil

சென்னை: இந்திய ரயில்வேயில் 13 பணியிடங்களை நிரப்ப அறிவிப்பு வெளியிடப்பட்டுள்ளது. இந்த பணியிடங்களுக்கு தேர்வு கிடையாது. இந்திய ரயில்வே உலகிலேயே அதிக பணியாளர்களை கொண்ட பொதுத்துறை நிறுவனம் என்ற சிறப்புக்குரியது.

ரயில்வேயில் வேலை பார்க்க யார் தான் விரும்ப மாட்டார்கள்? இந்தியாவில் அதிகம் பேருக்கு பணி வாய்ப்பை தரும் அரசு பொதுத் துறை நிறுவனமாக ரயில்வே இருந்து வருகிறது.

எனவே, ரயில்வே பணியிடங்கள் அவ்வப்போது நிரப்பப்படுவது வழக்கம்.

பயணத்தை விரும்புவோர்கள்

பயணத்தை விரும்புவோருக்கும் இது ஒரு நல்ல பணி வாய்ப்பாக பார்க்கப்படுகிறது. ஊதியத்தோடு ஊர் ஊராக செல்ல விரும்புவோரின் விருப்ப தேர்வு ரயில்வே பணியிடங்கள்தான். இந்த நிலையில்தான் இந்திய ரயில்வேயின் கீழ் செயல்படும் மத்திய ரயில்வே மண்டலத்தில் இருந்து பல்வேறு பணியிடங்களை நிரப்ப அறிவிப்பு வெளியிடப்பட்டுள்ளது.

13 பேர் டாக்டர்கள்

அதாவது Medical Practitioner (Doctor) என்னும் பணியிடத்துக்கு 13 பேர் தேர்வு செய்யப்பட உள்ளனர். இந்த பணியிடத்துக்கு விண்ணப்பிக்க MBBS முடித்திருக்க வேண்டும். அத்துடன் Post Graduate Qualification முடித்திருக்க வேண்டும். மேலும் பணியில் 3 ஆண்டுகள் வரை அனுபவம் கொண்டிருக்க வேண்டும். விண்ணப்பதாரர்களின் அதிகபட்ச வயது வரம்பு 56 ஆகும்.

நேர்முகத் தேர்வு

விண்ணப்பிக்க கடைசி நாள் 18.02.2022 ஆகும். தகுதியும், விருப்பமும் உள்ளவர்கள் [email protected] என்ற இ.மெயில் முகவரிக்கு விண்ணப்பங்களை அனுப்பி வைக்க வேண்டும். தேர்வு கிடையாது. நேர்முகத்தேர்வு மூலமாக மட்டுமே ஆட்கள் தேர்வு செய்யப்படுவார்கள்.

மாத ஊதியம் இதுதான்

நேர்காணல் WhatsApp conference call முறையில் நடைபெறும். தேர்வு செய்யப்படுபவர்களுக்கு ரூ.75,000 வரை மாத ஊதியமாக வழங்கப்படும். பணியிடம் உள்ளிட்ட மேலும் விவரங்களை https://cr.indianrailways.gov.in/uploads/files/1623135997893-combinepdf%20(1).pdf என்ற இந்த லிங்கை கிளிக் செய்து தெரிந்து கொள்ளலாம்.