TCS வேலைவாய்ப்பு.. சென்னை, பெங்களூர் உள்பட 7 இடங்களில் பணி நியமனம்.. மிஸ் பண்ணாதீங்க

சென்னை: பிரபல ஐடி நிறுவனமான டிசிஎஸ்-ல் இருந்து புதிய வேலைவாய்ப்பு குறித்த அறிவிப்பு வெளியாகி உள்ளது. தகுதி மற்றும் விருப்பம் உள்ளவர்கள் இந்த பணிக்கு விண்ணப்பம் செய்யலாம். தேர்வாகும் நபர்கள் சென்னை, பெங்களூர், ஹைதராபாத் உள்பட 7 இடங்களில் பணியமர்த்தப்பட உள்ளனர்.

டிசிஎஸ் (TCS or Tata Consultancy Services) என்பது நம் நாட்டில் செயல்பட்டு வரும் முன்னணி ஐடி நிறுவனங்களில் ஒன்றாக உள்ளது. இந்த நிறுவனத்தில் அடுத்தடுத்து பல்வேறு காலி பணியிடங்கள் நிரப்பப்பட்டு வருகிறது.

அந்த வகையில் தற்போது தான் சென்னை உள்பட 7 இடங்களில் செயல்பட்டு வரும் அலுவலகங்களில் காலியிடங்களை நிரப்புவதற்கான புதிய வேலைவாய்ப்பு குறித்த அறிவிப்பு வெளியாகி உள்ளது. அதன் விபரம் வருமாறு:

தற்போதைய அறிவிப்பின்படி டிசிஎஸ் நிறுவனத்தில் VMWare Architect பணிக்கு ஆட்கள் தேர்வு செய்யப்பட உள்ளனர். இந்த பணிக்கு விண்ணப்பம் செய்வோர் விண்டோஸ் சர்வர்,லினக்ஸ், எச்ஏ/டிஆர வகை கான்பிகிரேஷன்ஸ், சர்வர் ஹார்ட்வேர் பிளாட்பார்ம் எக்ஸ்86, Cloud Orchestration Platforms, VMWare EsX, vSphere, VRa, HCX, SAN, NAS, DAS, RaID, SCSI, Fibre Channel, Backup to Disk, Clustering, encryptiono technologies உள்ளிட்டவற்றில் அனுபவம் கொண்டிருக்க வேண்டும்.

ரூ.4 லட்சம் வரை சம்பளம் + நைட் ஷிப்ட் அலோவன்ஸ்.. சென்னை - கோவையிலேயே பணி


இதுதவிர VMWare Networking - NSX-T, AWS/Azure/GCP தெரிந்திருந்தால் அது விண்ணப்பத்தாரர்களுக்கு கூடுதல் பிளஸ் பாயிண்ட்டாகும். மேலும் மேற்கூறிய குறிப்பிட்ட துறையில் குறைந்தபட்சம் 8 முதல் அதிகபட்சமாக 18 ஆண்டு வரை பணி அனுபவம் கொண்டிருக்க வேண்டும்.

பணிக்கு தேர்வாகும் நபர்கள் சென்னை, பெங்களூர், ஹைதராபாத், புனே, டெல்லி என்சிஆர், கொல்கத்தா, இந்தூர் உள்ளிட்ட இடங்களில் பணி நியமனம் செய்யப்பட உள்ளனர். பணிக்கான மாத சம்பளம் அல்லது ஆண்டு சம்பளம் என்பது பற்றி தற்போது எதுவும் தெரிவிக்கப்படவில்லை. தகுதி மற்றும் அனுபவம் அடிப்படையில் சம்பளம் நிர்ணயம் செய்யப்பட உள்ளது.

விருப்பம் உள்ளவர்கள் டிசிஎஸ் நிறுவனத்தின் அதிகாரப்பூர்வ இணையதளம் சென்று விண்ணப்பம் செய்யலாம். அதேபோல் விண்ணப்பம் செய்வதற்கான கடைசி தேதி எதுவும் தெரிவிக்கப்படவில்லை. இதனால் எப்போது வேண்டுமானாலும் விண்ணப்ப தேதி முடிவுக்கு வரலாம். எனவே விருப்பம் உள்ளவர்கள் முடிந்தவரை சீக்கிரமாக விண்ணப்பம் செய்வது நல்லது.

பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here

English summary

TCS Hiring 2024: Tata Consultancy Services (TCS) hiring for VMWare Architect with 8 - 18 years experience. Selected candidates will be appointed 7 locations including Chennai, Bangalore and Hyderabad.