கம்பெனியில் தந்த ஆயுதபூஜை பொரி பை.. அந்த நசுங்கிப் போன வாழைப்பழத்தை யாரு சார் போட்டது?
ஆயுதபூஜைக்கு அலுவலகங்களில் வாங்கிய பொரியும், சுண்டலும் பற்றி இணையத்தில் நகைச்சுவையான மீம்ஸ்கள் பகிரப்பட்டு வருகின்றன.
சென்னை: ஆயுதபூஜைக்காக அலுவலகங்களில் தரப்படும் இனிப்பு மற்றும் பொரி பாக்கெட்டை வைத்து மீம்ஸ் போட்டு வருகின்றனர் நெட்டிசன்கள்.
தீபாவளிக்கு போனஸ் தராத கம்பெனிகள்கூட மறக்காமல் ஆயுதபூஜைக்கு பொரி கொடுத்து விடுவார்கள். சில கம்பெனிகளில் கூடவே ஸ்வீட் பாக்ஸும்கொடுப்பார்கள். ஆனால் அதைத் தருவதற்குள் சில அலுவலகங்களில் ஊழியர்களைப் பாடாய்படுத்தி எடுத்து விடுவார்கள். சுத்தம் செய்தவதற்கென தனி ஊழியர்களை வைக்காமல், அலுவலக ஊழியர்களையே பார்ட்டைமில் அலுவலத்தை சுத்தப்படுத்த வைத்து விடுவார்கள்.
ஆயுதபூஜைக்கு வண்டியை கழுவுவனு பார்த்தா.. நீ மழை எப்ப வரும்னு வானத்தையா பார்த்துட்டு இருக்க!
வீட்டில் ஒரு பக்கம் சுத்தப்படுத்தும் வேலை என தப்பித்து அலுவலகம் ஓடலாம் என நினைத்தால், அவர்களால் சுத்தப்படுத்தும் வேலையில் இருந்து ஓடவும் முடியாது, ஒளியவும் முடியாது. ஏனென்றால் அங்கேயும் சுத்தப்படுத்தும் வேலை அவர்களுக்காகக் காத்துக் கொண்டிருக்கும். செய்த வேலைக்கு பரிசாக இன்று பொரியும், சுண்டலும் இரண்டு இடங்களிலும் கிடைக்கும்.
ஆனந்தக்கண்ணீரோடு தாங்கள் பொரியும், சுண்டலும் வாங்கியதை, மீம்ஸ் போட்டு புலம்பி வருகின்றனர் நெட்டிசன்கள். இதோ அப்படியாக சமூகவலைதளங்களில் பகிரப்படும் சில நகைச்சுவையான மீம்ஸ்கள் உங்களுக்காக...