சட்னி, சாம்பார், கறிக்குழம்புனு எல்லாத்துக்கும் சூப்பரா இருப்பான்டா.. இந்த இட்லி!

Published: Thursday, March 30, 2023, 16:22 [IST]

Subscribe to Oneindia Tamil

சென்னை: இட்லி தினமென்றால் இட்லியை மட்டும்தான் சிறப்பிக்க வேண்டுமா என தோசையின் புகழையும் சைடு கேப்பில் மீம்ஸ்கள் மூலமாக பாடி வருகின்றனர் தோசைப் பிரியர்கள்.

மாவு என்னவோ ஒன்றுதான், ஆனால் அதை இட்லியாக சுடுவதா? அல்லது தோசையாக சுடுவதா? என்ற சண்டை எல்லா வீடுகளிலுமே தினமும் நடக்கும் ஒன்றுதான். ஏனென்றால் இட்லிக்கு இருக்கும் அதே அளவு ரசிகர்கள் தோசைக்கும் உண்டு. சொல்லப் போனால், இட்லியை விட முறுகலான தோசைக்கு கொஞ்சம் ஆதரவு அதிகம்.

இப்படி இருக்கையில், இட்லி தினமான இன்று, தோசைக்கு என தனியாக ஒரு நாள் இல்லையே என இணையத்தில் தோசை பிரியர்கள் பொங்கி எழுந்து விட்டனர். எனவே, இட்லிக்கு இணையாக தோசை பற்றிய நகைச்'சுவை'யான மீம்ஸ்களை சமூகவலைதளங்களில் பகிர்ந்து, கெத்து காட்டி வருகின்றனர் தோசை பிரியர்கள். கூடவே, இட்லிக்கு நல்ல காம்பினேஷனான சாம்பார், சட்னி மற்றும் இட்லி உப்புமா பற்றிய மீம்ஸ்களும் இணையத்தில் அதிகம் பகிரப்பட்டு வருகிறது.