கணவரோடு சண்டை போடாத மனைவிக்குத்தான் அந்த ரூ.1000 உரிமைத்தொகையாம்.. இதெப்படி இருக்கு!
சென்னை: குடும்பத்தலைவிகளுக்கு மாதம் ரூ.1000 உரிமைத்தொகை வழங்கும் திட்டத்தை தங்களுக்கு சாதகமாக வைத்து விதவிதமான மீம்ஸ்களைப் பகிர்ந்து மனைவிகளை கலாய்த்து வருகின்றனர் குறும்புக்கார கணவர்கள் சிலர்.
மனைவியைக் கலாய்ப்பது என்றால் எப்போதுமே கணவர்களுக்கு அல்வா சாப்பிடுவது மாதிரிதான். அதனால்தான் அடிக்கடி மனைவிகளைப் பற்றிய கணவர்களின் புலம்பல் மீம்ஸ்கள் டிரெண்ட்டிங்காகி விடுகிறது. இப்போதும் அப்படித்தான் குடும்பத்தலைவிகளுக்கு மாதம் ரூ. 1000 உரிமைத்தொகை வழங்கும் திட்டத்தை வைத்து விதவிதமாக மீம்ஸ்களைப் போட்டு மனைவிகளைக் கலாய்த்து வருகின்றனர்.
'கணவரோடு சண்டை போடாத மனைவிகளுக்கு மட்டும்தான் மாதம் ரூ. 1000 உதவித்தொகையாம்..' என்பது மாதிரியான மீம்ஸ்கள், கணவர்கள் பாவம் எவ்வளவு அடி வாங்கி இருக்கிறார்கள் என்பதை வெளிக்காட்டுவதாக உள்ளது (வீட்டுக்கு வீடு வாசப்படிதான் பாஸ்..).
கூடவே, இதையே சாக்காக வைத்து, தகுதியில்லாத குடும்பத்தலைவிகளை கையோடு அம்மா வீட்டுக்கு அனுப்பி வைத்துவிட வேண்டும் என கணவர்கள் திட்டமிடுவதாக உள்ள மீம்ஸ்கள் எல்லாம் வேற லெவல் கற்பனை. மனைவி ஊருக்கு கிளம்பி விட்டாலே, 'என் பொண்டாட்டி ஊருக்கு போய்ட்டா...' என கணவர்கள் துள்ளிக் குதிப்பார்கள். அப்படி இருக்கையில், கற்பனைதான் என்றாலும் இப்படி ஒரு கான்செப்ட் கிடைத்தால் விடுவார்களா? தங்களால் முடிந்தளவுக்கு சமூகவலைதளங்களில் இப்படியான மீம்ஸ்களைப் பகிர்ந்து வருகின்றனர்.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
பின்குறிப்பு: இந்த மீம்ஸ்களை உங்கள் மனைவியிடம் காட்டி நீங்கள் அடி வாங்கினால், அதற்கு கம்பெனி நிர்வாகம் பொறுப்பல்ல...
Click it and Unblock the Notifications
Sign in with Google