பேசாம நெட்பிளிக்ஸ்கிட்ட நம்ம கல்யாணக் கேசட்டைக் கொடுத்து.. ஒரு 2 லட்ச ரூபா கேட்டுப் பார்ப்போமா?

Updated: Tuesday, November 26, 2024, 8:48 [IST]

Subscribe to Oneindia Tamil

சென்னை : தனது ஆவணப் படத்தில் நானும் ரௌடிதான் படக்காட்சிகளைப் பயன்படுத்தியது தொடர்பாக, நயன்தாரா, தனுஷுக்கு இடையே வெடித்துள்ள பிரச்சனையை வைத்து நெட்டிசன்கள் நகைச்சுவையான மீம்ஸ்களைப் பகிர்ந்து வருகின்றனர்.

திரைத் துறையினரைப் பற்றிய எந்தச் செய்தியாக இருந்தாலும், அது நெட்டிசன்களுக்குப் பிடித்தமான விசயம் தான். அதுவும் அவர்களது திருமணம், விவாகரத்து, சர்ச்சை என பரபரப்பான விசயமாக இருந்தால், கேட்கவே வேண்டாம். இப்போதும் அப்படித்தான் நயன்தாரா - தனுஷ் இடையே உருவாகியுள்ள இந்த நானும் ரௌடிதான் பட காட்சிகள் தொடர்பான காப்பி ரைட் பிரச்சினையை வைத்து சமூகவலைதளப் பக்கங்களில் காரசாரமான விவாதங்கள் நடத்தியது போதாதென்று, நகைச்சுவையான மீம்ஸ்களையும் பகிர்ந்து வருகின்றனர்.

சைடு கேப்பில் வீட்டில் இருக்கும் குடும்பஸ்தர்கள், தங்களது திருமண கேசட்டையும் ஆவணப்படமாக விற்கலாமா எனத் திட்டம் தீட்டுவதாகக் கலாய்த்துள்ள மீம்ஸ்கள் வேற லெவல். இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...