நீங்க மட்டும் ம்னு ஒரு வார்த்தை சொல்லுங்க டோலி.. காட்டுக்குள்ள போய் நிஜகரடியையே பிடிச்சுட்டு வர்றேன்!
சென்னை : காதலர் தினக் கொண்டாட்டங்களின் முன்னோட்டமாக ரோஸ் டே, ப்ராமிஸ் டே என ஒவ்வொரு தினமும் காதலர்கள், ஒவ்வொரு விதமாகக் கொண்டாடி வருவதைக் கலாய்த்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.
முன்பெல்லாம் காதலர் தினத்தன்று தான், தங்களது மனதிற்குப் பிடித்தவர்களுக்கு ரோஜாப்பூ, டெடிபியர், சாக்லேட் போன்ற பரிசுப் பொருட்களை வாங்கித் தருவார்கள். ஆனால் சமீபகாலமாக காதலர் தினத்திற்கு முந்தைய ஒரு வாரத்தை தினமும் ஒரு பெயரில் கொண்டாடி, அன்றைய தினத்தில் ரோஜாப்பூ கொடுப்பது, டெடி வாங்கிக் கொடுப்பது என காதலை வெளிப்படுத்தி வருகின்றனர்.
காதலில் விழுந்தவர்கள் எல்லாம் இப்படிக் காதலைக் கொண்டாடிக் கொண்டிருக்க, வழக்கம் போல் இந்த வருடமும் காதலிக்க வாய்ப்பு கிடைக்காதவர்கள் தங்கள் ஆதங்கத்தை எல்லாம் மீம்ஸ் போட்டு வெளிப்படுத்தி வருகின்றனர். "நீங்க மட்டும் ம்-னு ஒரு வார்த்தை சொல்லுங்க டோலி.. காட்டுக்குள்ள போய் நிஜக் கரடியையே பிடிச்சுட்டு வர்றேன்" என்பது மாதிரியான மீம்ஸ்கள், அவர்கள் எந்தளவிற்கு காதலுக்கு ஏங்கிக் கிடக்கிறார்கள் என்பதைச் சொல்லாமல் சொல்கின்றன.
இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google