அமெரிக்காவுடன் சேர்ந்து தலிபான்கள் மீது தாக்குதல்: ரஷ்யா மறுப்பு

மாஸ்கோ:

ஆப்கானிஸ்தானில், தலிபான் தீவிரவாதிகள் மீது அமெரிக்காவுடன் இணைந்து தாக்குதல் மற்றும் கூட்டுநடவடிக்கை எடுக்கும் திட்டம் இல்லை என்று ரஷ்ய அமைச்சர் விளாடிமிர் ரஷ்ஹைலோ தெரிவித்தார்.

இதுகுறித்து மாஸ்கோவில் அவர் நிருபர்களிடம் கூறியதாவது:

ஆப்கானிஸ்தானில் தீவிரவாத இயக்கங்களுக்கு பயிற்சி கொடுக்கப்படுகிறது. தீவிரவாதிகளின் பயிற்சிமையங்களைத் தகர்க்கவும், அவர்கள் மீதும் நடவடிக்கை எடுக்கவும் ரஷ்யாவும், அமெரிக்காவும் சேர்ந்து கூட்டுத்திட்டம் தீட்டியிருப்பதாக பத்திரிக்கைகளில் செய்திகள் வெளியாகியுள்ளன.இதில் சிறிதளவும் உண்மையில்லைஎன்றார்.

முன்னதாக, ஆப்கானிஸ்தானில் தலிபன் கட்டுப்பாட்டுக்குள் இருக்கும் இடங்களில் ரஷ்யாவும், அமெரிக்காவும்சேர்ந்து ராணுவ நடவடிக்கைகள் எடுக்கத் திட்டமிட்டிருப்பதாகப் பத்திரிக்கைளில் செய்திகள் வெளியாகின.பின்லேடன் ஆதரவு தீவிரவாத அமைப்புக்களின் முகாம்கள் மீது தாக்குதல் நடத்த மத்திய ஆசியாவில் உள்ளதனது ராணுவ தளங்களை அமெரிக்கா பயன்படுத்த ரஷ்யா அனுமதியளிக்கும் என்று அந்தச் செய்திகளில்கூறப்பட்டிருந்ததது.

இதற்கிடையே முன்னாள் சோவியத் யூனியன் நாடுகளின் எல்லைப்பகுதிகளில் அமைந்துள்ள தீவிரவாதிகளின்முகாம்கள் மீது வான்வழித் தாக்குதல் நடத்தபடும் என்று ரஷ்ய அதிபர் விளாடிமிர் புடின் ஏற்கனவே எச்சரிக்கைவிடுத்துள்ளது குறிப்பிடத்தக்கது.

ஐ.ஏ.என்.எஸ்.