ஆஸி.யில் விமான விபத்து .. பைலட் பலி

சிட்னி:

ஆஸ்திரேலியாவில் ஸ்கைஹாவாக் போர்விமானம் விபத்துக்குள்ளானதில் அதன் பைலட் சம்பவ இடத்திலேயே உயிரிழந்தார்.

நியுசிலாந்தைச் சேர்ந்த மாக்டோனல் டக்ளர்ஸ் ஸ்கைவாக் போர் விமானம் நியுசிலாந்திலிருந்து ஆஸ்திரேலியாநோக்கிக் கிளம்பியது. அது ஆஸ்திரேலிய விமான தளத்தை அடையுமுன் சிட்னி அருகே விழுந்து நொறுங்கியது.

இதில் பைலட் முரே நீல்சன் சம்பவ இடத்திலேயே உயிரிழந்தார். விமானம் திடீரென்று விபத்துக்குள்ளானது குறித்துவிவரங்கள் எதுவுமில்லை. ஆஸ்திரேலியா மற்றும் நியுசிலாந்து ஆகிய இரண்டு நாடுகளும் போக்குவரத்துத்துறையில் ஒருங்கிணைந்து செயல்படுகின்றன என்பது குறிப்பிடத்தக்கது.

ஏற்கனவே 1974 ம் ஆண்டு முதல் இதே போன்று ஏற்பட்ட விபத்துக்களில் நியுசிலாந்தைச் சேர்ந்த 5 பேர்கொல்லப்பட்டனர் என்பது குறிப்பிடத்தக்கது.