மதுரையில் திமுக 14,000 வாக்கு வித்தியாசத்தில் முன்னிலை

மதுரை:

மதுரை மாநகராட்சி மேயர் பதவிக்கான தேர்தலில் திமுக வேட்பாளர் செ. ராமச்சந்திரன் 14,000 வாக்குகள்வித்தியாசத்தில் முன்னணியில் இருக்கிறார்.

மதுரையில் திமு சார்பில் போட்டியிட்ட செ.ராமச்சந்திரன் தனக்கு அடுத்தபடியாக வரும் அதிமுக வேட்பாளர்செல்லூர் ராஜூவை விட 14,000 வாக்குகள் அதிகமாகப் பெற்று முன்னணியில் இருக்கிறார்.

மேலும் இங்குள்ள 72 கவுன்சிலர்களுக்கான தேர்தலில், இதுவரை 11 முடிவுகள் அறிவிக்கப்பட்டுள்ளன. இவற்றில்திமுக 4 இடங்களிலும், அதிமுக 2 இடங்களிலும், பாரதிய ஜனதா 1 இடத்திலும், மார்சிஸ்ட் கம்யூனிஸ்ட் கட்சி 1இடத்திலும் வெற்றி பெற்றுள்ளதாக அறிவிக்கப்பட்டுள்ளது.

மதுரை மாவட்டத்தில் உள்ள 279 பேரூராட்சிகளில், இதுவரை 15 பேரூராட்சிகளுக்கான தேர்தல் முடிவுகள்அறிவிக்கப்பட்டுள்ளன.

இவற்றில் திமுக 4 இடங்களிலும், அதிமுக 4 இடங்களிலும், த.மா.கா. 2 இடங்களிலும், சுயேச்சைகள் 5இடங்களிலும் வெற்றி பெற்றுள்ளதாக அறிவிக்கப்பட்டுள்ளது.

வாக்கு எண்ணும் பணி தொடர்ந்து நடைபெற்றுவருகிறது. இன்று (ஞாயிற்றுக்கிழமை) இரவுக்குள் பெரும்பாலானமுடிவுகள் அறிவிக்கப்பட்டு விடும் என்று கூறப்படுகிறது. வாக்கு எண்ணும் மையங்களில் பலத்த போலீஸ்பாதுகாப்புப் போடப்பட்டுள்ளது.