காஷ்மீரில் ஐ.எஸ்.ஐ. செயல்பாடு நிறுத்தமா? - பாக். மெளனம்

இஸ்லாமாபாத்:

காஷ்மீரில் உள்ள முஸ்லீம் மதவாத அமைப்புகளுக்கு ஐ.எஸ்.ஐ. உதவக் கூடாது என "நியூயார்க் டைம்ஸ்"பத்திரிக்கையில் வந்த செய்தி குறித்து விளக்கமளிக்க பாகிஸ்தான் மறுத்து விட்டது.

காஷ்மீரில் உள்ள முஸ்லீம் மதவாத அமைப்புகளுக்கு எந்த விதத்திலும் பாகிஸ்தான் உளவு அமைப்பான ஐ.எஸ்.ஐ.உதவக் கூடாது என்று பாகிஸ்தான் அரசு உத்தரவிட்டதாக அந்தப் பத்திரிக்கையில் கூறப்பட்டிருந்தது.

மேலும் பின் லேடனின் அல்-கொய்தா தீவிரவாத அமைப்பு உள்ளிட்ட பல அமைப்புகளுக்கு ஐ.எஸ்.ஐ. உதவக்கூடாது என்றும் மற்ற உள்ளூர் அமைப்புகளுக்கு மட்டும் அது தொடர்ந்து ஆதரவளிக்க வேண்டும் என்றுபாகிஸ்தான் அரசு உத்தரவிட்டுள்ளதாகவும் அப்பத்திரிக்கையில் கூறப்பட்டுள்ளது.

ஆனால் பாகிஸ்தான் இது குறித்து விளக்கமளிக்க மறுத்து விட்டது. பாகிஸ்தான் வெளியுறவுத் துறை செய்தித்தொடர்பாளர் அசிஸ் அகமது கானிடம் இதுபற்றி கேட்டபோது, எனக்கு ஒன்றும் தெரியாது என்று கூறிவிட்டார்.