சாத்தான்குளம் வாக்கு எண்ணிக்கை- அதிமுக- 42,443; காங்கிரஸ் 29,205
சாத்தான்குளம்:
சாத்தான்குளத்தில் அதிமுக பெரும் வித்தியாசத்தில் தொடர்ந்து முன்னணியில் உள்ளது.
சாத்தான்குளம் இடைத் தேர்தல் வாக்கு எண்ணிக்கை இன்று காலை 8 மணிக்குத் தொடங்கியது. இதுவரை நடந்தவாக்கு எண்ணிக்கையில் அதிமுக வேட்பாளர் நீலமேகவர்ணம் 42,443 வாக்குகளைப் பெற்றுள்ளார்.
காங்கிரஸ் வேட்பாளர் மகேந்திரன் 29,205 வாக்குகளை மட்டுமே பெற்றுள்ளார்.
இரு கட்சிகளுக்கும் இடையே உள்ள வாக்கு வித்தியாசம் 13,238. தொடர்ந்து எண்ணிக்கை நடந்து வருகிறது.
இத் தொகுதியில் மின்னணு எந்திரங்கள் மூலம் வாக்கு எண்ணிக்கை நடந்தது. மொத்தம் 50 பேர் வாக்குகளைஎண்ணும் பணியில் ஈடுபட்டுள்ளனர். 18 சுற்றுக்களாக வாக்குகள் எண்ணப்படவுள்ளன.
வாக்கு எண்ணப்பட்டு வரும் தூத்துக்குடி அரசினர் பாலிடெக்னிக் பகுதியில் பலத்த பாதுகாப்பு போடப்பட்டுள்ளது.
வாக்கு எண்ணும் அறைக்குள் அரசியல் கட்சிகளின் ஏஜென்டுகள் தவிர வேறு யாரும் அனுமதிக்கப்படவில்லை.
-->