ஜூன் 2ல் திமுக தலைவர் தேர்தல்!

சென்னை:

திமுக தலைவர், பொதுச் செயலாளர், பொருளாளர் ஆகிய முக்கியப் பதவிகளுக்கு வரும் ஜூன்2ம் தேதி தேர்தல் நடைபெறவுள்ளது.

இதுதொடர்பாக கட்சியின் பொதுச் செயலாளர் அன்பழகன் விடுத்துள்ள அறிக்கையில்,

திமுகவின் 12-வது கட்சித் தேர்தல் நடந்து முடிந்துள்ள நிலையில், புதிய பொதுக்குழுஉறுப்பினர்களின் முதல் கூட்டம் வரும் ஜூன் 2ம் தேதி அண்ணா அறிவாலயத்தில் காலை 10மணிக்கு நடைபெறும்.

அன்றைய தினம் கட்சித் தலைவர், பொதுச் செயலாளர், பொருளாளர், தணிக்கைக்குழுஉறுப்பினர்கள் ஆகிய பதவிகளுக்கான தேர்தலும் நடைபெறும்.

புதிதாகத் தேர்ந்தெடுக்கப்பட்டுள்ள பொதுக்குழு உறுப்பினர்கள் இக்கூட்டத்தில் தவறாமல் கலந்துகொள்ள வேண்டும் என்று கூறியுள்ளார் அவர்.