கார் - லாரி மோதல்: முஸ்லீம் லீக் பிரமுகர்கள் 4 பேர் பலி

பாண்டிச்சேரி:

பாண்டிச்சேரியில் நடந்த சாலை விபத்தில் அந்த மாநிலத்தைச் சேர்ந்த முஸ்லீம் லீக் கட்சிப் பிரமுகர்கள் 4 பேர்பலியாயினர். 4 பேர் படுகாயமடைந்தனர்.

முஸ்லீம் லீக்கின் பாண்டிச்சேரி தலைவர் அப்துல் காதர் உள்பட அக் கட்சியின் பிரமுகர்கள் 7 பேர் காரில் ஆரணிஅருகே உள்ள மேல் விசாரத்துக்கு சென்று கொண்டிருந்தனர்.

மேல் விசாரத்தில் உள்ள அரபிக் கல்லூ பட்டமளிப்பு விழாவில் கலந்து கொள்ள அவர்கள் சென்றுகொண்டிருந்தனர்.

அவர்களது கார் பாண்டிச்சேரி - தமிழ்நாடு எல்லையில் உள்ள பெருமுக்கல் கிராமத்தின் அருகே சென்றபோதுஎதிரே வந்த லாரி மிக பயங்கர வேகத்தில் மோதியது. இதில் கார் அப்பளமாக நொறுங்கியது. காரில் இருந்தடிரைவர் உள்ளிட்ட நான்கு பேர் அந்த இடத்திலேயே இறந்தனர். அப்துல் காதர் மற்றும் 3 பேர் படுகாயமடைந்தார்.

அவர்கள் புதுவை அரசு மருத்துவமனையில் சேர்க்கப்பட்டுள்ளனர்.