சென்னையில் தீபாவளி தீ விபத்தில் 2 பேர் பலி

சென்னை:

சென்னையில், குடிசை வீட்டில் ராக்கெட் வெடி விழுந்ததால் ஏற்பட்ட தீ விபத்தில் இளம் பெண்ணும், அவரது கைக்குழந்தையும் உடல் கருகி பலியாயினர்.

அவ்வப்போது பெய்த கன மழைக்கு இடையே தீபாவளி நேற்று தமிழகம் முழுவதிலும் உற்சாகத்துடன்கொண்டாடப்பட்டது.

தீபாவளியையொட்டி வெடிக்கப்பட்ட வெடிகளால் சென்னையில் சில இடங்களில் தீ விபத்துக்கள் ஏற்பட்டன.கோடம்பாக்கத்தில் உள்ள குடிசைப் பகுதியில் வெடிக்கப்பட்ட ராக்கெட்டுகள் குடிசையில் விழுந்து தீப்பிடித்துக்கொண்டது.

இதில், குடிசைக்குள் இருந்த இளம் பெண்ணும், அவரது கைக் குழந்தையும் தீயில் கருகி இறந்தனர்.

அதேபோல வேளச்சேரி, பெரம்பூர் ஆகிய பகுதிகளிலும் சிறிய அளவில் இரு தீவிபத்துகள் ஏற்பட்டன.

மயிலாப்பூர் பகுதியில் விறகுக் கடையில் ராக்கெட் விழுந்து வெடித்ததில், கடை முழுவதும் எரிந்து சாம்பலானது.