தேவர் குரு பூஜைக்கு வருகிறார் தொகாடியா

சென்னை:

விஸ்வ இந்து பரிஷத் அமைப்பின் பொதுச் செயலாளர் பிரவீன் தொகாடியா, பசும்பொன் கிராமத்தில் வருகிற 30ம்தேதி நடைபெறவுள்ள முத்துராமலிங்கத் தேவர் குரு பூஜை நிகழ்ச்சியில் கலந்து கொண்டு தேவருக்கு அஞ்சலிசெலுத்தவுள்ளார்.

இதுதொடர்பாக வி.எச்.பி. மாநில ஒருங்கிணைப்பாளர் கனகராஜன் வெளியிட்டுள்ள செய்திக்குறிப்பில்,ராமநாதபுரம் மாவட்டம் பசும்பொன் கிராமத்தில், உள்ள முத்துராமலிங்கத் தேவர் நினைவிடத்தில் தொகாடியா மலர்வளையம் வைத்து அஞ்சலி செலுத்துவார்.

அதன் பின்னர் மதுரையில், தேவர் சமுதாயத் தலைவர்களை சந்தித்து அவர் பேசுவார். வி.எச்.பி. சார்பில்நடைபெறவுள்ள பொதுக்கூட்டத்திலும், பாரதிய பார்வர்ட் பிளாக் கட்சி ஏற்பாடு செய்துள்ள கூட்டத்திலும்தொகாடியா கலந்து கொள்ளவுள்ளார் என்று கனகராஜன் கூறியுள்ளார்.