சென்னை வருகிறார் கலாம்: அணு விஞ்ஞானிகளுடன் ஆலோசனை

சென்னை:

அணு விஞ்ஞானிகளுடன் ஆலோசனை நடத்த குடியரசுத் தலைவரும் அணு ஆராய்ச்சி நிபுணருமான அப்துல்கலாம் வரும் 16ம் தேதி சென்னை வருகிறார்.

16ம் தேதி இரவு 9.45 மணிக்கு சென்னை வரும் அப்துல் கலாம் ஆளுநர் மாளிகையில் தங்குகிறார். கல்பாக்கம்சென்று அணு விஞ்ஞானிகளைச் சந்திக்கும் முன் வேறு சில நிகழ்ச்சிகளிலும் கலந்து கொள்ளவுள்ளார்.

17ம் தேதி காலை போரூர் ராமச்சந்திரா மருத்துவக் கல்லூரி மருத்துவமனையில் நடைபெறவுள்ள 55வது பார்மசிமாநாட்டைத் தொடங்கி வைக்கிறார். பின்னர் சென்னை நிர்வாகவியல் கழகத்தின் மாநாட்டைத் தொடங்கிவைக்கிறார்.அதன் பின்னர் சென்னை அருகே உள்ள கல்பாக்கம் அணு மின் நிலையத்திற்கு கலாம் செல்கிறார். அங்கு அணுவிஞ்ஞானிகளுடன் மிக முக்கிய ஆலோசனைகளில் ஈடுபடவுள்ளார்.

இதையடுத்து அன்று மாலை 6 மணியளவில் கலாம் டெல்லி திரும்புகிறார்.