24ல் காங்கிரஸ் நேர்காணல்: வேட்பாளர் தேடும் பா.ஜ.க

சென்னை:

தாங்கள் போட்டியிடும் தொகுதிகளில் வேட்பாளர்களைத் தேர்வு செய்வது தொடர்பாக காங்கிரஸ் கட்சியின்தேர்தல் குழு இன்று கூடி விவாதித்தது.

இதையடுத்து காங்கிரஸ் சார்பில் நாடாளுமன்றத் தேர்தலில் போட்டியிட மனு செய்துள்ளவர்களிடம் வரும் 24மற்றும் 25ம் தேதிகளில் நேர்காணல் நடத்தப்படும் என்று தமிழக காங்கிரஸ் தலைவர் ஜி.கே.வாசன் தெரிவித்தார்.

காங்கிரசுக்கு திமுக கூட்டணியில் 10 தொகுதிகள் ஒதுக்கப்பட்டுள்ளன. இதில் போட்டியிட மூதுபெரும் காங்கிரஸ்தலைகள் வரிந்து கட்டிக்கொண்டு வாய்ப்பு கேட்டு வருகின்றன. அதே நேரத்தில் இளைஞர்களை இறக்கிவிடகாங்கிரஸ் தலைமை முடிவு செய்துள்ளது.

இதனால் யாருக்கு சீட் கொடுப்பது என்பதில் பெரும் குழப்பம் நீடிக்கிறது.

அதே போல ஒருவருக்கு ஒருவர் எதிராக செயல்பட்டு வரும் காங்கிரஸ் தலைவர் வாசனும், முன்னாள் தலைவர்இளங்கோவனும் தங்களது ஆதரவாளர்களுக்கு இடம் கிடைக்கச் செய்ய எல்லாவிதமான தகிடுதித்தங்களிலும்ஈடுபட்டுள்ளனர்.

இளங்கோவன் தனக்கு மூத்த தலைவர் கமல்நாத்திடம் உள்ள செல்வாக்கை வைத்து காய் நகர்த்த, வாசனோநேரடியாக சோனியாவிடம் பேசி வருகிறார்.

இருவரும் தங்களது ஆதரவாளர்களுக்கே சீட் கிடைக்க வேண்டும் என்பதில் மிகத் தீவிரமாக உள்ளனர். அதேநேரத்தில் மூத்த தலைகளும் சீட் கேட்டு நச்சரித்து வருகின்றன. இதனால் வழக்கம்போல் டெல்லி தலைமை தான்வேட்பாளர் பட்டியலை இறுதி செய்து அறிவிக்கும்.

சென்னையில் பட்டியலை வெளியிட்டால் ரணகளமாகிவிடும் என்பதால், வழக்கம்போலவே தமிழக காங்கிரஸ்வேட்பாளர்களின் பட்டியல் டெல்லியில் தான் வெளியிடப்படும்.

வேட்பாளர்களை தேடும் பா.ஜ.க:

காங்கிரசின் நிலைமை இப்படி என்றால் அதிமுகவிடம் 7 தொகுதிகள் வாங்கிவிட்ட பா.ஜ.கவுக்கு 4 தொகுதிகளில்பரிச்சமயமான முகங்கள் இருந்தாலும் மற்ற மூன்றிலும் பிரபலமான ஆட்கள் இல்லாததால் யாரை நிறுத்துவது என்றகுழப்பம் நிலவி வருகிறது.

வேட்பாளர் வேட்டையில் அக் கட்சி தீவிரமாக உள்ளது. கே.என். லட்சுமணன் தலைமையிலான 15 பேர் கொண்டதேர்தல் குழு இன்று கூடி வேட்பாளர் தேர்வு குறித்து விவாதித்தது.

இந் நிலையில் இன்று டெல்லியில் இருந்து சென்னை திரும்பிய மத்திய அமைச்சர் திருநாவுக்கரசர் விமானநிலையத்தில் செய்தியாளர்களிடம் பேசுகையில், புதுக்கோட்டையில் தனித்துப் போட்டியிடும் திட்டமில்லை.பா.ஜ.க. தலைமைக்குக் கட்டுப்பட்டு நடப்பேன் என்றார்.