யார் இந்த சிப்பிப்பாறை ரவிச்சந்திரன்?

சிவகாசி:

ஸ்டார் தொகுதிகளில் ஒன்றான சிவகாசியில் வைகோவுக்குப் பதிலாகப் போட்டியிடும் மதிமுக வேட்பாளர்சிப்பிப்பாறை ரவிச்சந்திரன் கட்சியின் சாதாரணத் தொண்டராவார்.

35 வயதே ஆன இந்த இளைஞர் கோவில்பட்டி அருகே உள்ள சிப்பிப்பாறை என்ற குக்கிராமத்தைச் சேர்ந்தவர்.குடும்பமே தீவிரமான திமுக விசுவாசிகள். இந் நிலையில் மதிமுக உருவானபோது வைகோவுக்காக திமுகவை விட்டுவிலகினார் ரவிச்சந்திரன்.

கட்சியின் விவசாய அணித் துணைச் செயலாளராக இருந்து வரும் ரவிச்சந்திரன், வைகோவின் முரட்டுத் தொண்டர்.கடந்த சட்டமன்றத் தேர்தலில் இவரை சிவகாசியில் நிறுத்தினார் வைகோ. 23,000 வாக்குகள் பெற்றாலும்தோல்வியைத் தழுவினார் ரவிச்சந்திரன். இப்போது எம்.பி. தேர்தலில் நிறுத்தப்பட்டுள்ளார்.

மதிமுக சார்பில் திருச்சியில் போட்டியிடும் அக் கட்சியின் அவைத் தலைவரான எல்.கணேசன் 3 முறை திமுகஎம்.எல்.ஏவாக இருந்தவர். ஒருமுறை ராஜ்யசபா திமுக எம்.பியாக இருந்தார்.

வந்தவாசியில் நிற்கும் முன்னாள் அமைச்சர் செஞ்சி ராமச்சந்திரன் அடிப்படையில் ஒரு வழக்கறிஞர். செஞ்சிதொகுதியில் 3 முறை திமுக சார்பில் போட்டியிட்டு எம்.எல்.ஏவாக இருந்த இவர் கடந்தமுறை திண்டிவனத்தில்போட்டியிட்டு எம்.பியாகி அமைச்சரானவர்.

பொள்ளாச்சி தொகுதியில் இப்போதைய எம்.பியான டாக்டர் கிருஷ்ணனையே மீண்டும் நிறுத்தியுள்ளார் வைகோ.நேர்மைக்குப் பெயர் போன இவர் வைகோவின் அன்புக்கும் பாத்திரமானவர். இவர் ஒரு டாக்டர்.