பாமக வெற்றி நிச்சயம்: ரங்கசாமி சத்தியம்

பாண்டிச்சேரி:

பாண்டிச்சேரி தொகுதியில் பாமக வேட்பாளராகப் போட்டியிடும் பேராசியர் ராமதாஸ், இந்தியாவிலேயே அதிகவாக்கு வித்தியாசத்தில் வெற்றி பெறுவார் என்று புதுவை முதல்வர் ரங்கசாமி கூறினார்.

பாண்டிச்சேரியில் ஜனநாயக முற்போக்குக் கூட்டணியின் செயல் வீரர்கள் கூட்டம் நடந்தது. இதில் காங்கிரஸ்,திமுக, பாமக, இந்திய கம்யூனிஸ்ட், மார்க்சிஸ்ட் கம்யூனிஸ்ட் உள்ளிட்ட கட்சிகளின் தலைவர்கள் கலந்துகொண்டனர்.

கூட்டத்தில் ரங்கசாமி பேசுகையில், காங்கிரஸுடன் கூட்டணி அமைத்துப் போட்டியிட்டாலே நிச்சயம் வெற்றிதான்.அதில் சந்தேகம் தேவையில்லை. எவ்வளவு வாக்கு வித்திசாயத்தில் வெற்றி என்பதுதான் கேள்வியே.

இந்தியாவிலேயே எந்த வேட்பாளரையும் விட பேராசியர் ராமதாஸ் அதிக வாக்கு வித்தியாசத்தில் வெற்றிபெறுவார் என்றார்.

ரங்கசாமியின் பேச்சைக் கேட்ட மேடையில்இருந்த பாமக நிறுவனர் ராமதாஸ் முகம் மலர்ந்தது.