ஓட்டு போடாத வேட்பாளர்கள், கோடம்பாக்கம் பிரபலங்கள்

சென்னை:

வாக்காளர் பட்டியலில் பெயர் இருந்தும் பிரபல நடிகர், நடிகைகளும், இரண்டு முக்கிய வேட்பாளர்களும் வாக்களிக்கச்செல்லவில்லை.

தமிழகத்தில் நேற்று வாக்குப்பதிவு நடந்துபோது, 1 லட்சத்துக்கும் அதிகமானோர் வாக்காளர் அடையாள அட்டை இருந்தும்,வாக்காளர் பட்டியலில் பெயர் இல்லாததால், வாக்களிக்க முடியவில்லை. இதனால் ஏற்பட்ட ஏமாற்றங்களும், சாலை மறியல்போராட்டங்களும் ஒரு புறமிருக்க, வாக்காளர் பட்டியலில் பெயர் இருந்தும் பல பிரபலங்கள் வாக்களிக்கவில்லை.

விக்ரம், கார்த்திக், அஜீத்குமார், தனுஷ், முரளி, அப்பாஸ் உள்ளிட்ட பிரபல கதாநாயகர்களும், ஸ்னேகா, ஜோதிகா, மீனா போன்றபிரபல கதாநாயகிகளும் ஓட்டு போடச் செல்லவில்லை. காரணம் கேட்டபோது, மழுப்பலான பதிலே வந்தது.

இவர்களாவது பரவாயில்லை. இரண்டு மாத காலமாக விழுந்து விழுந்து வாக்கு சேகரித்த இரண்டு முக்கிய வேட்பாளர்களேதங்களது வாக்குகளைப் பதிவு செய்யவில்லை. அந்த இரண்டு பேர் பெரியகுளம் அதிமுக வேட்பாளர் தினகரன் மற்றும் காங்கிரஸ்வேட்பாளர் ஆருண்.

இருவருக்கும் சென்னையில் ஓட்டு உள்ளது. ஆனால் இருவரும் வாக்களிக்க சென்னைக்கு வராமல் பெரியகுளம் தொகுதியிலேயேதேர்தல் பணிகளைக் கண்காணித்தனர்.