தமிழகத்திற்கு தண்ணீர் தர முடியாது: கர்நாடகம் திட்டவட்டம்

மாண்டியா:

காவிரியிலிருந்து தமிழகத்திற்கு தற்போதைக்கு தண்ணீர் விட முடியாது. அதுகுறித்த கேள்வியே தற்போது எழவில்லை என்று கர்நாடக துணை முதல்வர் சித்தராமையா கூறியுள்ளார்.கர்நாடக மாநிலம் மாண்டியாவில் செய்தியாளர்களிடம் அவர் பேசுகையில், தமிழகத்தில் நல்ல மழை பெய்துள்ளது, கர்நாடகத்திலும் ஓரளவு பெய்துள்ளது. கர்நாடக அணைகளில் உள்ள தண்ணீர் இங்குள்ள விவசாயத்திற்கே போதாது. தண்ணீர்ப் பற்றாக்குறை நிலவுகிறது.

தொடர்ந்து 3வது ஆண்டாக போதிய பருவ மழை இல்லாமல் கர்நாடக விவசாயிகள் கடும் கவலையில் ஆழ்ந்துள்ளனர். எனவே தற்போதைய சூழ்நிலையில் தமிழகத்திற்குத் தண்ணீர் திறந்து விடுவது என்ற பேச்சே எழவில்லை என்றார் சித்தராமையா