மணி ரத்னத்தின் குறும்படத்தில் நடிக்கும் சச்சின்

சென்னை:

இயக்குனர் மணிரத்னம் டைரக்ட் செய்யவுள்ள குறும்படத்தில் கிரிக்கெட் வீரர் சச்சின் டெண்டுல்கர் நடிக்கிறார்.

இந்தப் படத்தின் சூட்டிங் இன்று சென்னையில் நடக்கிறது. சக்தி பெளண்டேசன் என்ற ஊனமுற்றோர் நலஅமைப்புக்காக இந்தப் படத்தை எடுக்கிறார் மணி ரத்னம்.

ஊனத்தால் பாதிக்கப்பட்டவர்களுக்கு பொது இடங்களில் படிக்கட்டுகளுக்குப் பக்கத்தில் சரிவான பாதைஅமைக்கப்பட வேண்டியதன் அவசியத்தை வலியுறுத்தி இந்தப் படம் எடுக்கப்படவுள்ளது.

ஆஸ்திரேலியாவுடனான இரண்டாவது டெஸ்ட் போட்டியில் விளையாட இந்திய அணி சென்னை வந்துள்ளது.காயம் காரணமாக போட்டியில் விளையாடாவிட்டாலும் சென்னை வந்துள்ளார் டெண்டுல்கர்.

தனது ஓய்வு நேரத்தில் இந்தப் படத்தில் டெண்டுல்கர் நடிக்கிறார்.