இன்டர்நெட் தொலைபேசி கட்டணம் அதிரடி குறைப்பு

சென்னை:

இன்டர்நெட் சேவைக்கான தொலைபேசிக் கட்டணத்தை பி.எஸ்.என்.எல். நிறுவனம் 60 சதவீதம் அதிரடியாககுறைத்துள்ளது.

இந்தியா, -இலங்கை இடையேயான தொலைத்தொடர்பு சேவை தொடக்க விழாவிற்குப் பின் நிருபர்களிடம் பேசியபி.எஸ்.என்.எல். நிர்வாக இயக்குநர் ஏ.கே.சின்ஹா கூறியதாவது:

பகல் நேரங்களில் இன்டர்நெட் சேவையைப் பயன்படுத்துவதற்கான தொலைபேசிக் கட்டணம் வரும் 21ம் தேதிமுதல் ரூ.24லிருந்து ரூ.9.60 ஆகக் குறைக்கப்படும். இரவு 10.30 முதல் காலை 6 மணி வரையில் இக் கட்டணம்ரூ.4.80 ஆக இருக்கும்.

ஞாயிறு மற்றும் தேசிய விடுமுறை தினங்களில் 24 மணி நேரமும் இக் கட்டணம் ஒரு மணிக்கு ரூ.4.80 ஆகஇருக்கும்.

அதேபோல் இலங்கைக்கான தொலைபேசிக் கட்டணமும் குறைக்கப்பட்டுள்ளது. ஒரு நிமிஷத்துக்கு ரூ.18 ஆகஇருந்த கட்டணம் வரும் 21ம் தேதி முதல் ரூ.12 ஆகக் குறைக்கப்படுகிறது என்றார் அவர்.