ஆர்.வெங்கட்ராமன் குணமடைந்து வீடு திரும்பினார்

கோவை:

முன்னாள் குடியரசுத் தலைவர் ஆர்.வெங்கட்ராமன் குணமடைந்து வீடு திரும்பினார்.

கோவை மாவட்டம் ஆணைக்கட்டி பகுதியில் உள்ள ஹர்ஷ்வித்யா குருகுல ஆசிரமத்தில் ஆர்.வெங்கட்ராமன்தங்கியிருந்தபோது, கடந்த 18ம் தேதி குளியலைறையில் வழுக்கி விழுந்து விட்டார்.

கையை கீழே ஊன்றி விழுந்ததால் இடது கை தோள்பட்டையில் எலும்பு முறிவு ஏற்பட்டது. இதைத் தொடர்ந்து உடனடியாகஅவரை கோவையில் உள்ள பிரபல தனியார் மருத்துவமனைக்குக் கொண்டு சென்றனர். அங்கு அவருக்கு அறுவைச் சிகிச்சைநடந்தது.

இதையடுத்து கடந்த 3 நாட்களாக மருத்துவமனையில் தங்கி ஓய்வு எடுத்து வந்தார் ஆர்.வெங்கட்ராமன். இந் நிலையில் நேற்றுஅவர் மருத்துவமனையிலிருந்து விடுவிக்கப்பட்டு சென்னைக்குக் கிளம்பிச் சென்றார்.