காமராஜர் பிறந்த நாள்: தலைவர்கள் அஞ்சலி

சென்னை:

பெருந்தலைவர் காமராஜர் பிறந்த நாளையொட்டி காமராஜர் சிலைக்கு தலைவர்கள் மாலை அணிவித்து அஞ்சலிசெலுத்தினர்.

காமராஜர் பிறந்த நாளையொட்டி சென்னை மெரீனா கடற்கரையில் உள்ள அவரது சிலைக்கு தமிழக காங்கிரஸ்தலைவர் ஜி.கே.வாசன் உள்ளிட்ட காங்கிரஸ் தலைவர்கள் மாலை அணிவித்து அஞ்சலி செலுத்தினர்.

பல்லவன் சாலையில் உள்ள காமராஜர் சிலைக்கு மத்திய வர்த்தகத் துறை இணை அமைச்சர் ஈ.வி.கே.எஸ்.இளங்கோவன் மாலை அணிவித்து அஞ்சலி செலுத்தினார்.

பாஜக தலைவர்கள் சி.பி.ராதாகிருஷ்ணன், திருநாவுக்கரசர், விடுதலைச் சிறுத்தைகள் தலைவர் தொல்திருமாவளவன் ஆகியோரும் சிலைக்கு மாலை அணிவித்தனர்.

தமிழக அரசின் சார்பில் அமைச்சர்கள் ஓ.பன்னீர் செல்வம், ஜெயக்குமார், பொன்னையன் ஆகியோர் கடற்கரைகாமராஜர் சிலைக்கு மாலை அணிவித்து அஞ்சலி செலுத்தினர்.