சென்னையில் ஸ்டாலின் போராட்டம்

சென்னை:

சென்னை மாநகராட்சி சொத்து வரியை பல மடங்கு உயர்த்தியதைக் கண்டித்து திமுக துணைப் பொதுச் செயலாளர் ஸ்டாலின் தலைமையில் அக் கட்சியினர் ஆர்ப்பாட்டம் நடத்தினர். இதில் ஆயிரக்கணக்கானவர்கள் பங்கேற்றனர்.

சென்னை மாநகராட்சி சொத்து வரி பல மடங்கு உயர்த்தப்பட்டுள்ளது. மேலும் நீண்ட காலமாக வரி பாக்கியை வைத்திருப்போருக்கு மாநகராட்சி நிர்வாகம் நோட்டீஸ் அனுப்பியுள்ளது.

சொத்து வரி உயர்வை கண்டித்து திமுக சார்பில் சென்னை மெமோரியல் ஹால் எதிரே இன்று ஆர்ப்பாட்டம் நடத்தப்பட்டது.

திமுக பொருளாளர் ஆற்காடு வீராசாமி, துணைப் பொதுச் செயலாளர் ஸ்டாலின் மற்றும் திமுக எம்.எல்.ஏக்கள் உள்ளிட்ட ஆயிரக்கணக்கான திமுகவினர் இப்போராட்டத்தில் கலந்து கொண்டனர்.

சொத்து வரி உயர்வை மாநகராட்சி நிர்வாகம் வாபஸ் பெறாவிட்டால் மிகப்பெரிய அளவில் போராட்டம் நடத்தப்படும் என ஸ்டாலின் கூறினார்.