காமராஜர் பிறந்த நாள்-கல்வி வளர்ச்சி தினம்: சட்ட மசோதா தாக்கல்

சென்னை:

பெருந்தலைவர் காமராஜர் பிறந்த நாளை கல்வி வளர்ச்சி நாளாக அறிவிக்க வகைசெய்யும் சட்ட மசோதா சட்டசபையில் தாக்கல் செய்யப்பட்டது.

காமராஜர் பிறந்த நாளான ஜூலை 15ம் தேதி கல்வி வளர்ச்சி தினமாகஅனுசரிக்கப்படும் என தமிழக அரசு அறிவித்துள்ளது.

இந் நிலையில் இந்த அறிவிப்பை சட்டப்பூர்வமாக்கும் வகையில் தமிழகசட்டசபையில் மசோதா தாக்கல் செய்யப்பட்டது. தமிழ்நாடு கல்வி வளர்ச்சி தினமசோதா-2006 என்ற பெயரில் இந்த மசோதாவை பள்ளிக் கல்வித்துறை அமைச்சர்தங்கம் தென்னரசு தாக்கல் செய்தார்.

அப்போது அவர் பேசுகையில், காமராஜரின பிறந்த நாளை கல்வி வளர்ச்சி தினமாகஅறிவிக்க வேண்டும் என பல்வேறு தரப்பிலிருந்து கோரிக்கைகள் வந்தன. இதை ஏற்றதிமுக அரசு ஆளுநர் உரையிலும் இதை முறைப்படி அறிவித்தது.

இதற்கு சட்ட அந்தஸ்து கொடுப்பதற்காக இந்த சட்ட மசோதா தாக்கல்செய்யப்படுகிறது என்றார்.