ஒரே மேடையில் தோன்றிய 64 இரட்டையர்கள்

சென்னை:ஒரு பள்ளியில் 64 ஜோடி இரட்டை மாணவர்கள், ஒரே மேடையில் தோன்றி அசத்தினர்.

பண்டிட் நேருவின் பிறந்த நாள் குழந்தைகள் தினமாக நாடு முழுவதும் கொண்டப்பட்டது. இதில் சென்னைமுகப்பேரில் உள்ள வேலம்மாள் மெட்ரிக்குலேசன் பள்ளியில் வித்தியாசமான நிகழ்ச்சிக்கு ஏற்பாடுசெய்யப்பட்டது.

தேசிய அளவில் கல்வி, விளையாட்டுகளில் சாதனை படைக்கும் இப்பள்ளியில் குழந்தைகள் தினைத்தைமுன்னிட்டு இரட்டையர் எத்தனை பேர் இந்தப் பள்ளியில் படிக்கிறார்கள் என சர்வே எடுக்கப்பட்டது. அதில்மொத்தம் 64 இரட்டையர்கள் இந்த பள்ளியில் படித்து வருவது தெரிய வந்தது.

இதையடுத்து அந்தப் பள்ளியில் இரட்டையர் திருவிழா நடந்தது. இதில் 64 இரட்டையர்களும் ஒரே நேரத்தில்மேடையில் தோன்றினர். லிம்கா சாதனை புத்தகத்திலும் இந்த நிகழ்ச்சி இடம் பெறவுள்ளது.

இந்த 64 இரட்டையர்களும் வில்லு பாட்டு, மேலை நாட்டு நடனம் போன்ற கலை நிகழ்ச்சிகளை நடத்தினர்.

நிகழ்ச்சியில் 9ம் வகும்பு படிக்கும் ஸ்ரீவித்யா-ஸ்ரீதேவி ஜோடி சிறந்த இரட்டையராக தேர்வு செய்யப்பட்டனர்.பின்னர் இவர்களுக்கு கிரீடம் சூட்டப்பட்டது.