தடகளத்தில் இந்தியாவுக்கு முதல் தங்கம்

தோஹா:ஆசிய விளையாட்டுப் போட்டியின் தடகளப் பிரிவில் இந்தியாவுக்கு முதல் தங்கப்பதக்கம் கிடைத்துள்ளது.

கத்தார் தலைநகர் தோஹாவில் 15வது ஆசிய விளையாட்டுப் போட்டி நடந்துவருகிறது. இதில் இந்தியா அடுத்தடுத்து வெள்ளி மற்றும் வெண்கலப் பதக்கங்களைகுவித்து வருகிறது. அவ்வப்போது தங்கத்தையும் சுட்டு வருகிறது.

இந்த நிலையில் தடகளத்தில் இந்தியாவுக்கு நேற்று முதல் தங்கப் பதக்கம் கிடைத்தது.மகளிருக்கான 400 மீட்டர் தொடர் ஓட்டத்தில் இந்திய வீராங்கனைகள் முதலில் வந்துதங்கப் பதகத்தை வென்றனர். இந்த அணியில் கீதா, பிங்கி, சித்ரா, மஞ்சித் கெளர்ஆகியோர் இடம்பெற்றிருந்தனர்.

கஜகஸ்தான் வீராங்கனைகள் வெள்ளியையும், சீனா வெண்கலத்தையும் வென்றன.மகளிருக்கான 1500 மீட்டர் ஓட்டப் போட்டியில் இந்தியாவின் சினிமோல்வெண்கலப் பதக்கத்தை வென்றார்.

800 மீட்டர் ஓட்டத்தில் வெள்ளிப் பதக்கம் வென்ற தமிழகத்தின் சாந்தி செளந்தரராஜன்இப்போட்டியில் பங்கேற்கவில்லை.

தற்போது பதக்கப் பட்டியலில் இந்தியா 9வது இடத்தில் உள்ளது.