பிரபல திருச்சி ரவுடி ஆண்டவர் கைது!

திருச்சி:

திருச்சியில் நீண்ட நாட்களாக தேடப்பட்டு வந்த பிரபல ரவுடியை போலீசார் கைது செய்துள்ளனர்.

திருச்சியில் கடந்த சில மாதங்ளாக ரவுடிகளை போலீசார் அதிரடியாக கைது செய்து வருகின்றனர்.

இந்நிலையில் போலீசாரால் நீண்ட நாட்களாக தேடப்பட்டு வரும் பிரபல ரவுடிகளில் ஒருவர் ஆண்டவர். இவர் கோரிமேடு அருகே உள்ள ஒரு மளிகைக் கடையில் மாமூல் கேட்டு மிரட்டிக் கொண்டிருந்தான்.

இந்தத் தகவல் போலீசாருக்கு எட்டியது. விரைந்து சென்ற கண்டோண்ட்மெண்ட் போலீஸ் இன்ஸ்பெக்டர் சுவாமிநாதன் பிரபல ரவுடி ஆண்டவரை கைது செய்தார்.

கைது செய்யப்பட்ட ரவுடி ஆண்டவர் மீது ஏற்கனவே போலீஸில் ஏராளமான வழக்குகள் உள்ளது. பிடிபட்ட ரவுடி, திருச்சியை சேர்ந்த பிரபல ரவுடி சேட்டுவின் கூட்டாளி என்பதும் குறிப்பிடத்க்கது.