தேமுதிகவில் கரூர் பாமக பிரமுகர்

கரூர்: கரூர் மாவட்டத்தில் பாமக பிரமுகர், அம்பேத்கர் தொழிற்சங்கத் தலைவர் ஆகியோர் விஜயகாந்தின் தேமுதிகவில் இன்று இணைந்தனர்.

கரூரில் தேமுதிக தலைவர் விஜயகாந்த் பிறந்த நாள் நாரத கான சபாவில் விழா கொண்டாடப்பட்டது. விழாவிற்கு மாவட்ட செயலாளர் கிருஷ்ணண் தலைமை வகித்தார். சிறப்பு விருந்தினராக மாநில பொருளாளர் சுந்தர்ராஜன் கலந்து கொண்டார்.

அப்போது அம்பேத்கர் தொழிற்சங்க மாநில தலைவர் பெ. கருணாகரன், பாமக முன்னாள் இளைஞரணி மாவட்டத் தலைவர் விஜயகுமார் ஆகியோர் சுமார் 1,000 பேருடன் வந்து தேமுதிகவில் இணைந்தனர்.

முன்னதாக கரூர் அரசு மருத்துவமனைக்கு நோயாளிகள் பயன் பெறும் வகையில் தேமுதிகவினர் கட்டில்கள் வழங்கினர்.