இன்று வெள்ளை மாளிகையில் ஒபாமாவை சந்திக்கும் சர்தாரி
வாஷிங்டன்: பாகிஸ்தான் அதிபர் ஆசிப் அலி சர்தாரி அமெரிக்க அதிபர் ஒபாமாவை இன்று வெள்ளை மாளிகையில் சந்திக்கிறார். அப்போது தீவிரவாதத்தை ஒழிக்க கூட்டு முயற்சி உள்ளிட்ட பல விவகாரங்கள் பற்றி பேசுகின்றனர்.
இது குறித்து வெள்ளை மாளிகை ஊடகச் செயலர் ராபர்ட் கிப்ஸ் கூறியதாவது,
இன்று அதிபர் ஒபாமா பாகிஸ்தான் அதிபர் சர்தாரியை வெள்ளை மாளிகையில் சந்தித்து பேசுகிறார். அவர்கள் பொருளாதார சீரமைப்பு, தீவிரவாத ஒழிப்பு உள்ளிட்டவை குறித்து பேசவிருக்கிறார்கள்.
சர்தாரி கடந்த மாதம் இறந்த ஆப்கானிஸ்தான் மற்றும் பாகிஸ்தானுக்கான சிறப்பு தூதர் ரிச்சர்டு ஹால்புரூக்கின் இறுதிச் சடங்கில் கலந்து கொள்வதற்காக வாஷிங்டன் வந்துள்ளார். இந்த சந்தர்பத்தை பயன்படுத்தி அவரை ஒபாமாவை சந்திக்க வைக்க முடிவு செய்தோம். இந்த சந்திப்பின்போது செய்தியாளர்கள் அனுமதிக்கப்பட மாட்டார்கள் என்றார்.
சந்திப்பின்போது ஹில்லரி கிளின்டனும் உடன் இருப்பார் என்று செய்தித் தொடர்பாளர் கிரௌலி தெவித்தார்.
இது குறித்து கிரௌலி கூறியதாவது,
முன்னதாக துணை அதிபர் ஜோ பிடென் பாகிஸ்தான் சென்று அந்நாட்டு அதிபர் சர்தாரி மற்றும் பிரதமர் ஜிலானியை சந்தித்துப் பேசினார். இதனால் இன்று நடக்கும் சந்திப்பை அமெரிக்கா மிகவும் ஆவலுடன் எதிர்பார்க்கிறது என்றார்.
சர்தாரி கடந்த ஆண்டு இறுதியில் வாஷிங்டனுக்கு அரசு முறைப் பயணம் செய்வதாக இருந்தது. அதையடு்தது ஒபாமா பாகிஸ்தான் செல்வதாக இருந்தது என்பது குறிப்பிடத்தக்கது.
Click it and Unblock the Notifications
Sign in with Google